ಪಪ್ಪಿ ಬಂಧನ ಪ್ರಶ್ನಿಸಿದ್ದ ಅರ್ಜಿ ವಜಾ

ಬೆಂಗಳೂರು: ಬೆಟ್ಟಿಂಗ್ ಆರೋಪದ ಮೇಲೆ ಹಣ ಅಕ್ರಮ ವರ್ಗಾವಣೆ ಕಾಯಿದೆ (ಪಿಎಂಎಲ್ ಎ)ಯಡಿ ಕಾಂಗ್ರೆಸ್ ಶಾಸಕ ಕೆ.ಸಿ. ವೀರೇಂದ್ರ ಅಲಿಯಾಸ್ ಪಪ್ಪಿ ಅವರನ್ನು ಜಾರಿ ನಿರ್ದೇಶನಾಲಯ ಬಂಧಿಸಿರುವ ಕ್ರಮವನ್ನು ಹೈಕೋರ್ಟ್ ಬುಧವಾರ ಎತ್ತಿ ಹಿಡಿದಿದೆ. ಪಪ್ಪಿ ಬಂಧನ ಅಕ್ರಮವೆಂದು ಘೋಷಿಸುವಂತೆ ಕೋರಿ ಅವರ ಪತ್ನಿ ಆರ್ .ಡಿ.ಚೈತ್ರಾ ಸಲ್ಲಿಸಿದ್ದ ಅರ್ಜಿಧಿಯನ್ನು ನ್ಯಾಯಮೂರ್ತಿ ಎಂ.ಐ.ಅರುಣ್ ಅವರಿದ್ದ ಏಕಸದಸ್ಯ ಪೀಠ ವಜಾಗೊಳಿಸಿದೆ. ಇದರಿಂದಾಗಿ ವೀರೇಂದ್ರ ಜೈಲು ವಾಸ ಮುಂದುವರಿಯಲಿದೆ. ನ್ಯಾಯಾಲಯ ತೀರ್ಪು ಪ್ರಕಟಿಸಿದ ನಂತರ ಪಪ್ಪಿ ಪರ ಹಿರಿಯ ವಕೀಲರು ‘‘ನ್ಯಾಯಾಧಿಲಯದ ಅಬ್ಸರ್ವೇಶನ್ಸ್ ಅಗತ್ಯವಿದೆ. ಏಕೆಂದರೆ ಈ ಪ್ರಕ್ರಿಯೆಯು ಬೇರೆ ಕಡೆ ಸಲ್ಲಿಕೆ ಮಾಡುವ ಅರ್ಜಿ ಅಥವಾ ಬಾಕಿ ಇರುವ ಪ್ರಕ್ರಿಯೆ ಮೇಲೆ ಪರಿಣಾಮ ಉಂಟುಮಾಡಬಾರದು. ಜಾಮೀನು ಅರ್ಜಿಯು ಬಾಕಿ ಇದೆ,’’ ಎಂದರು. ‘‘ವೀರೇಂದ್ರ ವಿರುದ್ಧದ ನಾಲ್ಕು ಎಫ್ ಐಆರ್ ಗಳು ಮುಕ್ತಿ ಕಂಡಿರುವುದರಿಂದ ಜಾರಿ ನಿರ್ದೇಶನಾಲಯ ಬಂಧಿಸಲು ಸಾಧ್ಯವಿರಲಿಲ್ಲ. ಕನಕಪುರ ತಾಲೂಕಿನ ಹಾರೋಹಳ್ಳಿ ಠಾಣೆಯಲ್ಲಿದಾಖಲಾಗಿರುವ ಪ್ರಕರಣ ದಲ್ಲಿಪೊಲೀಸರು ಸಕ್ಷಮ ನ್ಯಾಯಾಲಯಕ್ಕೆ ‘ಬಿ’ ರಿಪೋರ್ಟ್ ಸಲ್ಲಿಸಿದ್ದು, ಎಫ್ ಐಆರ್ ಜೀವಂತವಾಗಿದೆ.