ತುಮುಲ್ ನಲ್ಲಿಅಧಿಕಾರ ಬದಲಾವಣೆ ಚರ್ಚೆ

ವಿಕ ಸುದ್ದಿಲೋಕ ತುಮಕೂರು ತುಮಕೂರು ಹಾಲು ಉತ್ಪಾದಕರ ಸಂಘಗಳ ಒಕ್ಕೂಟ ನಿಯಮಿತ (ತುಮುಲ್ ) ಮಧುಗಿರಿ ತಾಲೂಕು ನಿರ್ದೇಶಕ ಬಿ.ನಾಗೇಶ್ ಬಾಬು ಆಯ್ಕೆಯನ್ನು ಹೈಕೋರ್ಟ್ ಅಸಿಂಧುಧಿಗೊಳಿಸಿದೆ. ಈ ಬೆನ್ನಲ್ಲೇ ಈಗ ಅಧ್ಯಕ್ಷ ಎಚ್ .ವಿ.ವೆಂಕಟೇಶ್ ಸ್ಥಾನಕ್ಕೆ ಕುತ್ತುಬರುವ ಸಾಧ್ಯತೆಯೂ ಎದುರಾಗಿದೆ. ತುಮುಲ್ ಮಧುಗಿರಿ ನಿರ್ದೇಶಕರಾಗಿ ಚುನಾಯಿತರಾಗಿದ್ದ ಕಾಂಗ್ರೆಸ್ ಬೆಂಬಲಿತ ಬಿ.ನಾಗೇಶ್ ಬಾಬು ಆಯ್ಕೆಯನ್ನು ಹೈಕೋರ್ಟ್ ಅಸಿಂಧುಗೊಳಿಸಿದ್ದು, ಪ್ರತಿಸ್ಪರ್ಧಿ ಮೈತ್ರಿಯ ಕೊಂಡವಾಡಿ ಚಂದ್ರಶೇಖರ್ ಸದ್ಯದಲ್ಲೇ ನೂತನ ನಿರ್ದೇಶಕರಾಗಿ ಅಧಿಕೃತ ಘೋಷಣೆಯಾಗಲಿದ್ದಾರೆ. ಅಲ್ಲದೆ ಪಾವಗಡ ತಾಲೂಕಿನ ಮತ ಮರು ಎಣಿಕೆಗೂ ಹೈಕೋರ್ಟ್ ಆದೇಶಿಸಿದ್ದು, ಅಲ್ಲಿಒಂದೇ ಒಂದು ಮತದ ಅಂತರದಿಂದ ಗೆದ್ದಿರುವ ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿ ಚಂದ್ರಶೇಖರ ರೆಡ್ಡಿ ಹಿನ್ನಡೆ ಅನುಭವಿಸಿ ಜೆಡಿಎಸ್ -ಬಿಜೆಪಿ ದೋಸ್ತಿ ಬೆಂಬಲಿತ ಅಭ್ಯರ್ಥಿ ಚನ್ನಮಲ್ಲಯ್ಯ ಗೆಲುವಿನ ನಗೆ ಬೀರಿದರೆ ಕಾಂಗ್ರೆಸ್ ಎರಡು ಸ್ಥಾನಗಳನ್ನು ಕಳೆದುಕೊಂಡಂತಾಗುತ್ತದೆ. ಚಿಕ್ಕನಾಯಕನಹಳ್ಳಿ ತಾಲೂಕಿನಲ್ಲಿಜೆ.ಸಿ. ಮಾಧುಸ್ವಾಮಿ ಬಣದ ಬಿ.ಎನ್ .ಶಿವಪ್ರಕಾಶ್ ಬೆಂಬಲ ಸೇರಿ ಕಾಂಗ್ರೆಸ್ 7 ನಿರ್ದೇಶಕರ ಬಲ ಹೊಂದಿತ್ತು. ಮಧುಗಿರಿ, ಪಾವಗಡ ಕಳೆದುಕೊಂಡರೆ 5ಕ್ಕೆ ಕುಸಿಯಲಿದೆ. ಅಲ್ಲದೆ ಬಿ.ಎನ್ .ಶಿವಪ್ರಕಾಶ್ ‘ದೋಸ್ತಿ’ಗೆ ಕೈಜೋಡಿಸಿಧಿದರೆ ಕಾಂಗ್ರೆಸ್ ಗೆ ಚುನಾಯಿತರ ಬಲ 4. ಮಾಜಿ ಅಧ್ಯಕ್ಷ ತುರುವೇಕೆರೆಯ ಸಿ.ವಿ.ಧಿಮಹಾ ಲಿಂಗಯ್ಯ ಒಲವು ಕೂಡ ದೋಸ್ತಿ ಕಡೆಗಿದ್ದು, ಆ ದಾರಿಯಲ್ಲಿಮತ್ತೆ ಅಧ್ಯಕ್ಷರಾದರೆ ಅಚ್ಚರಿಯಿಲ್ಲ. ಹಾಗಾಗಿ, ನಾಮನಿರ್ದೇಶಿತ ನಿರ್ದೇಶಕರಾಗಿ ತುಮುಲ್ ಅಧ್ಯಕ್ಷರಾಗಿರುವ ಪಾವಗಡ ಶಾಸಕ ಎಚ್ .ವಿ. ವೆಂಕಟೇಶ್ ಅವರು ಬಲ ಪ್ರದರ್ಶಿಸಿ ಮುಂದುವರಿಯಧಿಬೇಕಾದ ಅಗ್ನಿಪರೀಕ್ಷೆ ಎದುರಾಗುವ ಸಾಧ್ಯತೆಯಿದೆ.