ಹತ್ತಿ ಬೆಂಬಲ ಬೆಲೆ ನೋಂದಣಿಗೆ ಇಂದು ಕೊನೆ ದಿನ

ಹತ್ತಿ ಬೆಂಬಲ ಬೆಲೆ ನೋಂದಣಿಗೆ ಇಂದು ಕೊನೆ ದಿನ

ವಿಕ ಸುದ್ದಿಲೋಕ ವಡಗೇರಾ

ಹತ್ತಿ ಬೆಂಬಲ ಬೆಲೆ ಯೋಜನೆಯಡಿ ನೋಂದಣಿಗೆ ಶುಕ್ರವಾರ ಕೊನೆ ದಿನವಾಗಿದೆ ಎಂದು ಸಹಾಯಕ ಕೃಷಿ ನಿರ್ದೇಶಕ ಸುನಿಲ್ ಹಾಗೂ ರೈತ ಸಂಪರ್ಕ ಕೇಂದ್ರದ ಅಧಿಕಾರಿ ಗಣಪತಿ ಹೇಳಿದರು.

ಈ ಕುರಿತು ಜಂಟಿ ಪತ್ರಿಕಾ ಹೇಳಿಕೆ ನೀಡಿರುವ ಅವರು, ರೈತರ ಆರ್ಥಿಕ ಹಿತದೃಷ್ಟಿಯಿಂದ ಭಾರತೀಯ ಹತ್ತಿ ನಿಗಮವು ಕನಿಷ್ಠ ಬೆಂಬಲ ಬೆಲೆ ಯೋಜನೆಯಡಿ ರೈತ ನೋಂದಣಿಯನ್ನು ಡಿಜಿಟಲ್ ಮೂಲಕ ಕೈಗೊಳ್ಳಲು ಕಪಾಸ್ ಕಿಸಾನ್ ಮೊಬೈಲ್ ಆ್ಯಪ್ ಸಿದ್ದಪಡಿಸಲಾಗಿದೆ. ಈಗಾಗಲೇ ಈ ಆಪ್ ಮೂಲಕ ಸಾಕಷ್ಟು ರೈತರು ನೋಂದಣಿ ಮಾಡಿಕೊಂಡಿದ್ದಾರೆ. ಇನ್ನೂ ಬಹಳಷ್ಟು ಜನ ರೈತರು ನೋಂದಣಿ ಮಾಡಕೊಳ್ಳಬೇಕಿದೆ. ಶಹಾಪುರ ಹಾಗೂ ವಡಗೇರಾ ತಾಲೂಕಿನಲ್ಲಿ0.67 ಲಕ್ಷ ಹೆಕ್ಟರ್ ಪ್ರದೇಶದಲ್ಲಿಹತ್ತಿ ಬಿತ್ತನೆಯಾಗಿದ್ದು, ರೈತರಿಗೆ ಪ್ರಸ್ತುತ ಮಾರುಕಟ್ಟೆಯಲ್ಲಿದರ ಕಡಿಮೆ ಇರುವುದರಿಂದ ಬೆಂಬಲ ಬೆಲೆ ನಿಗದಿ ಮಾಡಿದೆ. 2025-26ನೇ ಸಾಲಿಗೆ ಹತ್ತಿ ಕೃಷಿ ಉತ್ಪನ್ನಕ್ಕೆ ಬೆಂಬಲ ಬೆಲೆ ಯೋಜನೆಯಡಿ ಎಫ್ ಎ ಕ್ಯೂ ಗುಣ ಮಟ್ಟದ ಮಧ್ಯಮ ಎಳೆ ಹತ್ತಿಗೆ 7710 ರೂ.ಹಾಗೂ ಉದ್ದನೆಯ ಎಳೆ ಹತ್ತಿಗೆ 8110 ರೂ.ನಿಗದಿಪಡಿಸಲಾಗಿದೆ. ಅಲ್ಲದೇ ತಾಲೂಕಾವಾರು ಹತ್ತಿ ಖರೀದಿ ಕೇಂದ್ರಗಳನ್ನು ಪ್ರಾರಂಭಿಸಿ ಖರೀದಿಸಲಾಗುತ್ತದೆ ಎಂದು ತಿಳಿಸಿದರು. ಹೆಚ್ಚಿನ ಮಾಹಿತಿಗಾಗಿ ನಿಗಮದ ಅಧಿಕಾರಿಗಳನ್ನು ಸಂಪರ್ಕಿಸಬಹುದು. ಕಿರಣ ಪುರೋಹಿತ -9986661656, ರೂಪೇಶ ಕುಮಾರ -9703195126, ಮೂಜ ಮಹಮ್ಮದ -9844178464ಗೆ ಸಂಪರ್ಕಿಸಬಹುದಾಗಿದೆ.