ವರ್ತಕರಿಗೆ ಎಲ್ಲರೀತಿ ಅನುಕೂಲ ಮಾಡಿಕೊಡಿ

ವಿಕ ಸುದ್ದಿಲೋಕ ಬೆಳಗಾವಿ ಲೈಸೆನ್ಸ್ ರದ್ದಾದ ಜೈ ಕಿಸಾನ್ ತರಕಾರಿ ಖಾಸಗಿ ಮಾರುಕಟ್ಟೆಯ ವರ್ತಕರಿಗೆ ಬೆಳಗಾವಿ ಎಪಿಎಂಸಿಯಲ್ಲಿಒದಗಿಸಲಾದ ಸೌಲಭ್ಯಗಳ ಪರಿಶೀಲನೆಗಾಗಿ ಸಂಸದ ಜಗದೀಶ ಶೆಟ್ಟರ್ ಅವರು ಬುಧವಾರ ಎಪಿಎಂಸಿ ಆವರಣಕ್ಕೆ ಭೇಟಿ ನೀಡಿ ವರ್ತಕರು ಮತ್ತು ಎಪಿಎಂಸಿ ಅಧಿಕಾರಿಗಳೊಂದಿಗೆ ಸಭೆ ನಡೆಸಿದರು. ‘‘ಮಳಿಗೆ ನೀಡುವುದಾಗಿ ಖಾಸಗಿ ಮಾರುಕಟ್ಟೆಯ ವರ್ತಕರನ್ನು ಇಲ್ಲಿಗೆ ಕರೆಯಿಸಿದ್ದಾರೆ. ಆದರೆ, ಇಲ್ಲಿ24 ಮಳಿಗೆ ಮಾತ್ರ ಖಾಲಿ ಇವೆ. ನಾವು 200ಕ್ಕೂ ಅಧಿಕ ವರ್ತಕರು ಇದ್ದೇವೆ. ಟೆಂಡರ್ ನಲ್ಲಿಎಲ್ಲರೂ ಮಳಿಗೆ ಪಡೆಯುವುದು ಸಾಧ್ಯವಿಲ್ಲ. ಬೇಸ್ ಮೆಂಟ್ ನಲ್ಲಿಮಳಿಗೆಗಳಿದ್ದು, ನಮ್ಮ ಸಮಸ್ಯೆ ಬಗೆಹರಿಸಬೇಕು,’’ ಎಂದು ವರ್ತಕರು ಆಗ್ರಹಿಸಿದರು. ಸಮಸ್ಯೆ ಆಲಿಸಿ ಮಾತನಾಡಿದ ಸಂಸದ ಜಗದೀಶ ಶೆಟ್ಟರ್ , ‘‘ನ್ಯಾಯಾಲಯದ ಅಂತಿಮ ಆದೇಶ ಬರುವವರೆಗೆ ಖಾಸಗಿ ಜೈ ಕಿಸಾನ್ ತರಕಾರಿ ಮಾರುಕಟ್ಟೆಯ ವರ್ತಕರಿಗೆ ಎಲ್ಲಅನುಕೂಲ ನೀಡಬೇಕು. ಮೂರು ತಿಂಗಳ ವರೆಗೆ ಭಾನುವಾರದ ರೈತರ ಸಂತೆಯಲ್ಲಿವರ್ತಕರಿಗೆ ಸಹಕರಿಸಬೇಕು. ಜತೆಗೆ ಮಳಿಗೆ ಹಂಚಿಕೆಯಲ್ಲಿಅನ್ಯಾಯ ಆಗದಂತೆ ಕ್ರಮವಹಿಸಬೇಕು,’’ಎಂದು ಸೂಚಿಸಿದರು.