ವಿಕ ಸುದ್ದಿಲೋಕ ಕಲಬುರಗಿ ಜಿಲ್ಲೆಯಲ್ಲಿಕಳೆದೆರಡು ತಿಂಗಳ ಹಿಂದೆ ಬಂದ ನೆರೆಯಿಂದ ಸಂತ್ರಸ್ತರಾದವರಿಗೆ ಇನ್ಫೋಸಿಸ್ ಫೌಂಡೇಶನ್ , ಪಾವಗಡದ ರಾಮಕೃಷ್ಣ ಆಶ್ರಮ ಮತ್ತು
ರೋಟರಿ ಕ್ಲಬ್ ಆಫ್ ಗುಲ್ಬರ್ಗ ಮಿಡ್ ಟೌನ್ ವತಿಯಿಂದ ಅಗತ್ಯ ವಸ್ತುಗಳ ಸುಮಾರು 850 ಕಿಟ್ ಹಂಚಿಕೆ ಮಾಡಲಾಗಿದೆ ಎಂದು ಕ್ಲಬ್ ಮಾಜಿ ಅಧ್ಯಕ್ಷೆ ಡಾ.ಸುಧಾ ಹಾಲಕಾಯಿ ತಿಳಿಸಿದರು. ನಗರದ ಪತ್ರಿಕಾ ಭವನದಲ್ಲಿಮಂಗಳವಾರ ಸುದ್ದಿಗೋಷ್ಠಿಯಲ್ಲಿಮಾತನಾಡಿ, ನಿರಂತರ ಮಳೆ
ಹಾಗೂ ಮಹಾರಾಷ್ಟ್ರದ ಡ್ಯಾಂಗಳಿಂದ ಭೀಮೆಗೆ ನೀರು ಬಿಟ್ಟಿರುವ ಕಾರಣ ಜಿಲ್ಲೆಯ ಹಿಪ್ಪರಗಿ, ಮಂದರವಾಡ, ಕೂಡಿ, ಹಾಗರಗುಂಡಗಿ, ಸರಡಗಿ(ಬಿ) ಹಾಗೂ ಫಿರೋಜಾಬಾದ್ ಗ್ರಾಮಗಳಲ್ಲಿನ ಜನರು ಸಂಕಷ್ಠ ಅನುಭವಿಸುತ್ತಿದ್ದರು. ಈ ವೇಳೆ ಅಲ್ಲಿಗೆ ಬೇಟಿ ನೀಡಿದ ನಮ್ಮ ತಂಡ, ಎರಡು ಸಂಸ್ಥೆಗಳ ಸಹಯೋಗದಲ್ಲಿಸುಮಾರು 2,500 ರೂ. ಮನೆ ಬಳಕೆಯ ವಸ್ತುಗಳ ಕಿಟ್ ವಿತರಣೆ ಮಾಡಲಾಗಿದೆ. ನಗರದಲ್ಲಿವಾಸ ಮಾಡುವ ಹಕ್ಕಿ ಪಿಕ್ಕಿ ಜನಾಂಗದವರಿಗೂ ಕಿಟ್ ಮೂಲಕ ನೆರವು ನೀಡಲಾಗಿದೆ ಎಂದು ಹೇಳಿದರು. ಇನ್ಫೋಸಿಸ್ ನ ಸುಧಾ ಮೂರ್ತಿ ಮತ್ತು ಪಾವಗಡದ ರಾಮಕೃಷ್ಣ ಆಶ್ರಮದ ಜಪಾನಂದ ಸ್ವಾಮೀಜಿ ಅವರನ್ನು ಜಿಲ್ಲೆನೆರೆ ಸಂತ್ರಸ್ತರ ನೆರವಿಗೆ ಮನವಿ ಮಾಡಿದಾಗ ಅವರು ಸಹಾಯ ಮಾಡಿದ್ದರು. ಆದರೆ, ಸರಕಾರ ಮಾತ್ರ ಹೆಸರಿಗೆ ಮಾತ್ರ ಕಾಳಜಿ ಕೇಂದ್ರ ತೆರೆದಿದೆ. ಇಲ್ಲಿವರೆಗೆ ಬೇರೆ ಯಾವುದೇ ನೆರವು ನೀಡದೆ ನಿರ್ಲಕ್ಷ್ಯ ಮಾಡುತ್ತಿದೆ ಎಂದು ದೂರಿದರು. ರೋಟರಿ ಕ್ಲಬ್ ಆಫ್ ಗುಲ್ಬರ್ಗ ಮಿಡ್ ಟೌನ್ ಮಾಜಿ ಅಧ್ಯಕ್ಷ ಮುರಳೀಧರ ಮಾಗಲೂರ, ಮಾಜಿ ಖಜಾಂಚಿ ಸತೀಶ್ ಮುದಗಲ್ ಇದ್ದರು.
