ಹಳ್ಳಿಗರ ಕುಶಲ ಕ್ಷೇಮಕ್ಕೆ ದುಡಿದ ಡಾ.ಆಲಮ್ಮ

ಹಳ್ಳಿ ಜನರ ಆರೋಗ್ಯಸೇವೆಯಲ್ಲಿತಮ್ಮ ವೈದ್ಯಕೀಯ ವೃತ್ತಿಗೆ ಸಾರ್ಥಕತೆ ತಂದುಕೊಂಡವರು ಡಾ. ಆಲಮ್ಮ ಮರಣ್ಣ. ತುಮಕೂರು ಜಿಲ್ಲೆಮಧುಗಿರಿ ತಾಲೂಕಿನ ಸ್ವಾತಂತ್ರ್ಯ ಹೋರಾಟಗಾರರು, ಮಾಜಿ ಸಚಿವರು, ಮಾಜಿ ಲೋಕಸಭಾ ಸದಸ್ಯರು ಆಗಿದ್ದ ಮಾಲಿ ಮರಿಯಪ್ಪ ಇವರ ಪುತ್ರಿ ಡಾ. ಆಲಮ್ಮ ಮರಣ್ಣ ಅವರಿಗೂ ರಾಜ್ಯೋತ್ಸವ ಗೌರವ ಅರಸಿ ಬಂದಿದೆ. ತಮ್ಮ ಸಂಪೂರ್ಣ ಸೇವಾವಧಿಯಲ್ಲಿಗ್ರಾಮೀಣ ಭಾಗದಲ್ಲೇ ಸೇವೆ ಸಲ್ಲಿಸಿ ‘ವೈದ್ಯೋ ನಾರಾಯಣೋ ಹರಿಃ’ ಎಂಬ ಮಾತಿಗೆ ಅನ್ವರ್ಥವಾಗಿ ನಡೆದವರು. ರಾಜಕೀಯವಾಗಿ ಪ್ರಭಾವಿ ಕುಟುಂಬದಲ್ಲಿಜನಿಸಿದ್ದರೂ, ನಗರ ಪ್ರದೇಶಗಳಲ್ಲಿಸೇವೆ ಸಲ್ಲಿಕೆಗೆ ಇದನ್ನು ಬಳಸದೇ, ಸ್ವಯಂಪ್ರೇರಣೆಯಿಂದ ಗ್ರಾಮೀಣ ಬಡಜನರ ಸೇವೆಗೆ ನಿಂತ ಡಾ. ಆಲಮ್ಮ, ಹಳ್ಳಿಗರ ಪಾಲಿಗೆ ದೇವರೇ ಆದವರು.