ವರ್ಟಿಕಲ್ ಟ್ರೆಲ್ಲಿಸ್ ನಲ್ಲಿಬೆಳೆಸಿ ಸೌತೆಕಾಯಿ
--------------
ಬಾಲ್ಕನಿ ತೋಟಗಾರಿಕೆಯಲ್ಲಿಲಂಬವಾಗಿ ಗಿಡಗಳನ್ನು ಬೆಳೆಸುವುದು ಜಾಗವನ್ನು ಪರಿಣಾಮಕಾರಿಯಾಗಿ ಬಳಸಿಕೊಳ್ಳುವುದು ಮಾತ್ರವಲ್ಲದೆ ಫಲಪ್ರದ್ರವೂ ಆಗಿದೆ. ಟ್ರೆಲ್ಲಿಸ್ ಗಳ ಬಳಕೆಯಿಂದ ಲಭ್ಯವಿರುವ ಸೀಮಿತ ಜಾಗವನ್ನು ಹೆಚ್ಚು ಬಳಸಿಕೊಳ್ಳಲು, ಸಸ್ಯಗಳ ಆರೋಗ್ಯವನ್ನು ಹೆಚ್ಚಿಸಲು ಮತ್ತು ಮನೆ ಬಾಗಿಲಿಗೆ ವರ್ಷಪೂರ್ತಿ ತಾಜಾವಾಗಿ ಬೆಳೆದ ಸೌತೆಕಾಯಿಯನ್ನು ಪಡೆಯಬಹುದು.
-ಸ್ಪೇಸ್ ಮಾಸ್ಟರ್ ಅಥವಾ ಬುಷ್ ಚಾಂಪಿಯನ್ ನಂತಹ ಸಾಂದ್ರೀಕೃತ ಅಥವಾ ಕ್ಲೈಂಬಿಂಗ್ ಸೌತೆಕಾಯಿ ಪ್ರಕಾರಗಳನ್ನು ಆಯ್ಕೆ ಮಾಡಿ. ಇವು ವರ್ಟಿಕಲ್ ಪಾಟ್ ಗಳಿಗೆ ಸೂಕ್ತ. ಸಣ್ಣ ಬಾಲ್ಕನಿಗಳಿಗೂ ಪರಿಪೂರ್ಣ ಆಯ್ಕೆ.
-ನೀರು ಸರಿಯಾಗಿ ಹರಿದು ಹೋಗುವ ಕನಿಷ್ಠ 12 ರಿಂದ 16 ಇಂಚುಗಳ ದೊಡ್ಡ ಪಾಟ್ ಗಳ ಅಗತ್ಯವಿರುತ್ತದೆ. ಸೀಸನ್ ಉದ್ದಕ್ಕೂ ಆರೋಗ್ಯಕರ ಬೇರುಗಳು ಮತ್ತು ಸ್ಥಿರ ಬೆಳವಣಿಗೆಗೆ ಪೋಷಕಾಂಶ ಭರಿತ ಮಣ್ಣನ್ನು ಒದಗಿಸಲು ಕಾಂಪೋಸ್ಟ್ ನೊಂದಿಗೆ ಪಾಟ್ ಮಿಶ್ರಣವನ್ನು ಬಳಸಬೇಕು.
-ಗಟ್ಟಿಮುಟ್ಟಾದ ಟ್ರೆಲ್ಲಿಸ್ ಗಳು, ಬಿದಿರಿನ ಕೋಲುಗಳು ಅಥವಾ ಜಾಲರಿಯ ಚೌಕಟ್ಟು ಬಳ್ಳಿಗಳು ಮೇಲೆಕ್ಕೆ ಬೆಳೆಯಲು ಸಹಾಯ ಮಾಡುತ್ತವೆ.
-ಸೌತೆಕಾಯಿಗಳು ಪ್ರಕಾಶಮಾನವಾದ ಸೂರ್ಯನ ಬೆಳಕಿನಲ್ಲಿಉತ್ತಮವಾಗಿ ಬೆಳೆಯುತ್ತವೆ. ಪ್ರತಿದಿನ ಕನಿಷ್ಠ 6 ರಿಂದ 8 ಗಂಟೆಗಳ ನೇರ ಸೂರ್ಯನ ಬೆಳಕು ಬೇಕಾಗುತ್ತದೆ.
-ಬಾಲ್ಕನಿಯಲ್ಲಿರುವ ಗಿಡಗಳು ಬೇಗೆನ ಒಣಗುತ್ತವೆ. ಗಿಡಗಳಿಗೆ ಆಗಾಗ್ಗೆ ನೀರು ಹಾಕಬೇಕು. ಮಣ್ಣು ತೇವವಾಗಿರುತವಂತೆ ನೋಡಿಕೊಳ್ಳಬೇಕು. ಉತ್ತಮ ಇಳುವರಿ ಪಡೆಯಲು ಪ್ರತಿ ಎರಡು ವಾರಗಳಿಗೊಮ್ಮ ಸಮತೋಲಿತ ದ್ರವ ರೂಪದ ಗೊಬ್ಬರ ಹಾಕಬೇಕು.
-ಮೃದುವಾದ ಗಾರ್ಡನ್ ಟೈಸ್ ಅಥವಾ ಟ್ವೈನ್ ಬಳಸಿ ಎಳೆಯ ಸೌತೆಕಾಯಿ ಗಿಡಗಳನ್ನು ಟ್ರೆಲ್ಲಿಸ್ ಮೇಲೆ ಸಡಿಲವಾಗಿ ಕಟ್ಟಿ. ಇದರಿಂದ ಕೀಟ ಸಮಸ್ಯೆಗಳು ಕಡಿಮೆಯಾಗುತ್ತವೆ ಮತ್ತು ಕೊಯ್ಲುಸುಲಭವಾಗುತ್ತದೆ.
-6 ರಿಂದ 8 ಇಂಚು ಉದ್ದ ಬೆಳೆದ ಹಸಿರು ಸೌತೆಕಾಯಿ ಕೊಯ್ಲುಮಾಡಲು ಹೆಚ್ಚು ಸೂಕ್ತ. ನಿಯಮಿತವಾಗಿ ಕೊಯ್ಲುಮಾಡುವುದರಿಂದ ಹೆಚ್ಚು ಕಾಯಿಗಳು ಬಿಡುಲು ಅವಕಾಶ ಸಿಗುತ್ತದೆ.
