ರಾಜ್ ಕೋಟ್: ಶಾಲೆಯಿಂದ ಮರಳುವಾಗ ಕಾರು ಡಿಕ್ಕಿ, 14ರ ಹರೆಯದ ಬಾಲಕಿ ಸಾವು; ತಾಯಿ ಗಂಭೀರ

ರಾಜ್‌ಕೋಟ್‌ನಲ್ಲಿ ಭಾನುವಾರ ನಡೆದ ದುರಂತದಲ್ಲಿ 14 ವರ್ಷದ ಧ್ರುವಿ ಕೋಟೆಚಾ ಎಂಬ ವಿದ್ಯಾರ್ಥಿನಿ ಸಾವನ್ನಪ್ಪಿದ್ದಾಳೆ. ಶಾಲೆಯಿಂದ ತಾಯಿಯೊಂದಿಗೆ ಸ್ಕೂಟರ್‌ನಲ್ಲಿ ಹಿಂದಿರುಗುತ್ತಿದ್ದಾಗ ಕಾರು ಡಿಕ್ಕಿ ಹೊಡೆದಿದೆ. ಈ ಘಟನೆಯಲ್ಲಿ ತಾಯಿ ದರ್ಶನಾ ಗಂಭೀರ ಗಾಯಗೊಂಡಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಮಗಳ ಅಂತಿಮ ಸಂಸ್ಕಾರವನ್ನು ವಧುವಿನಂತೆ ನಡೆಸಬೇಕೆಂಬ ತಾಯಿಯ ಆಶಯ ಈಡೇರಿತು. ಘಟನೆ ಸಂಬಂಧ ಕಾರು ಚಾಲಕಿ ವಿರುದ್ಧ ಪ್ರಕರಣ ದಾಖಲಾಗಿದೆ.