ಜೇನು ಕೃಷಿಗೆ 15 ಲಕ್ಷ ರೂ. ಸಬ್ಸಿಡಿ

ಬೆಂಗಳೂರು: ಜೇನು ಕೃಷಿ ಮಾಡಲು ಆಸಕ್ತಿ ಇರುವವರಿಗೆ ಪ್ರಧಾನಮಂತ್ರಿ ಸೂಕ್ಷ್ಮ ಆಹಾರ ಸಂಸ್ಕರಣಾ ಉದ್ಯಮ ಯೋಜನೆಯಡಿ 15 ಲಕ್ಷ ರೂ. ವರೆಗೆ ಸಹಾಯಧನ ಸಿಗಲಿದೆ ಎಂದು ಕೆಪೆಕ್‌ ವ್ಯವಸ್ಥಾಪಕ ನಿರ್ದೇಶಕ ಸಿ.ಎನ್‌.ಶಿವಪ್ರಕಾಶ್‌ ತಿಳಿಸಿದ್ದಾರೆ. ವಿಶ್ವ ಆಹಾರ ದಿನದ ಅಂಗವಾಗಿ ನಡೆದ 'ಜೇನು ಕೃಷಿ: ಉತ್ತಮ ಭವಿಷ್ಯಕ್ಕಾಗಿ ಆರೋಗ್ಯಕರ ಆಹಾರ' ಕುರಿತ ವಿಚಾರಗೋಷ್ಠಿಯಲ್ಲಿ ಈ ಮಾಹಿತಿ ನೀಡಲಾಗಿದೆ. ಈ ಯೋಜನೆಯಡಿ ರೈತರಿಗೆ ಶೇ. 50ರಷ್ಟು ಸಹಾಯಧನ ಲಭಿಸಲಿದ್ದು, 30 ಲಕ್ಷ ರೂ. ಯೋಜನೆಯಲ್ಲಿ 15 ಲಕ್ಷ ರೂ. ಸಬ್ಸಿಡಿ ದೊರೆಯಲಿದೆ. ಇದರಲ್ಲಿ ಕೇಂದ್ರ ಸರ್ಕಾರ 6 ಲಕ್ಷ ರೂ. ಹಾಗೂ ರಾಜ್ಯ ಸರ್ಕಾರ 9 ಲಕ್ಷ ರೂ. ಸಹಾಯ ನೀಡಲಿದೆ. ಜೇನು ಗೂಡಿನಿಂದ ತುಪ್ಪ ತೆಗೆಯಲು, ಅದನ್ನು ಸೋಸಲು, ಪ್ಯಾಕ್ ಮಾಡಲು ಬೇಕಾದ ಯಂತ್ರೋಪಕರಣ ಖರೀದಿಗೆ ಹಾಗೂ ಉತ್ಪನ್ನಗಳ ಮಾರ್ಕೆಟಿಂಗ್‌ಗೂ ಸಹಾಯಧನ ಸಿಗಲಿದೆ.

ಜೇನು ಕೃಷಿ ಸುಲಭದ ಕೆಲಸವಲ್ಲ, ಅದಕ್ಕೆ ಬಹಳ ತಾಳ್ಮೆ ಬೇಕು ಎಂದು ಕೃಷಿ ತಂತ್ರಜ್ಞರ ಸಂಸ್ಥೆಯ ಅಧ್ಯಕ್ಷ ಡಾ. ಎ.ಬಿ.ಪಾಟೀಲ್‌ ಹೇಳಿದರು. ಪ್ರಸ್ತುತ ರಾಜ್ಯದಲ್ಲಿ 50 ಸಾವಿರ ಮಂದಿ ಜೇನು ಕೃಷಿ ಮಾಡುತ್ತಿದ್ದು, ವರ್ಷಕ್ಕೆ 1 ಸಾವಿರ ಟನ್‌ ಜೇನುತುಪ್ಪ ಉತ್ಪಾದನೆಯಾಗುತ್ತಿದೆ. ಅಂತಾರಾಷ್ಟ್ರೀಯ ಗುಣಮಟ್ಟದ ಸಾವಯವ ಜೇನುತುಪ್ಪ ಉತ್ಪಾದನೆಗೆ ಹೆಚ್ಚು ಒತ್ತು ನೀಡಬೇಕು ಎಂದು ಅವರು ಸೂಚಿಸಿದರು.

ಈ ಕಾರ್ಯಕ್ರಮದಲ್ಲಿ ಹಿರಿಯ ಕೃಷಿ ತಂತ್ರಜ್ಞ ಎಂ.ಎಸ್‌.ಶಾಂತವೀರಯ್ಯ ಅವರಿಗೆ 'ಜೀವಮಾನ ಸಾಧಕ' ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಜೇನು ಕೃಷಿಕರಾದ ಮಧುಕೇಶ್ವಧಿರ ಹೆಗಡೆ, ಅಪೂರ್ವ, ವಿ.ಆರ್‌.ಚಂದ್ರಶೇಖರ್‌, ಎಂ.ಗೀತಾ ಹಾಗೂ ಎಂ.ಪ್ರಜ್ವಲ್‌ ಅವರಿಗೆ ಅತ್ಯುತ್ತಮ ಸಾಧನಾ ಪ್ರಶಸ್ತಿ ನೀಡಲಾಯಿತು. ತೋಟಗಾರಿಕೆ ಇಲಾಖೆಯ ಹೆಚ್ಚುವರಿ ನಿರ್ದೇಶಕಿ ಎಸ್‌.ನಂದಾ, ಐಎಟಿ ಕಾರ್ಯದರ್ಶಿ ಜಿ.ಎಚ್‌. ಯೋಗೇಶ್‌ ಅವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ಜೇನು ಕೃಷಿಗೆ 15 ಲಕ್ಷ ರೂ. ಸಬ್ಸಿಡಿ

ಸಂಬಂಧಿತ ಸುದ್ದಿ

ಪೊಲೀಸ್ ಇಲಾಖೆಯಿಂದ ಏಕತೆಗಾಗಿ ಓಟ

ರಸಗೊಬ್ಬರ ಮಳಿಗೆಗಳಿಗೆ ಅಧಿಕಾರಿಗಳ ಭೇಟಿ

ಹಾಪ್ ಕಾಮ್ಸ್ ಅಧ್ಯಕ್ಷ, ಉಪಾಧ್ಯಕ್ಷರ ಆಯ್ಕೆ

ವರ್ಲ್ಡ್ ಅಕಾಡೆಮಿಕ್ ಕಾಂಗ್ರೆಸ್ ಆಫ್ ಎಮರ್ಜೆನ್ಸಿ ಮೆಡಿಸಿನ್ ಅಂತಾರಾಷ್ಟ್ರೀಯ ಸಮ್ಮೇಳನ ಉದ್ಘಾಟನೆ

ಜಿಲ್ಲಾಡಳಿತದಿಂದ ಇಂದು ಅದ್ಧೂರಿ ರಾಜ್ಯೋತ್ಸವ

ಯಂತ್ರಶ್ರೀ ಪದ್ಧತಿಯ ಭತ್ತ ನಾಟಿ