ಉದ್ಯೋಗ ಲೋಕದಲ್ಲಿಬಿಮ್ಸ್ ವಿದ್ಯಾರ್ಥಿಗಳ ಸಾಧನೆ
ವಿಕ ಸುದ್ದಿಲೋಕ ಬಾಗಲಕೋಟೆ
ನಗರದ ಬವಿವ ಸಂಘದ ಅಂಗ ಸಂಸ್ಥೆ ಇನ್ ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ ಮೆಂಟ್ ಸ್ಟಡೀಜ್ (ಬಿಮ್ಸ್ ) ಎಂಬಿಎ ವಿದ್ಯಾರ್ಥಿಗಳು ಪ್ರಸ್ತುತ ಸಾಲಿನ ಕ್ಯಾಂಪಸ್ ಪ್ಲೇಸ್ ಮೆಂಟ್ ನಲ್ಲಿಉತ್ತಮ ಸಾಧನೆ ಮಾಡಿದ್ದಾರೆ.
ಅಂದಾಜು 45ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ದೇಶದ ಮುಂಚೂಣಿ ಕಂಪನಿಗಳಲ್ಲಿಉದ್ಯೋಗ ಪಡೆಯುವ ಮೂಲಕ ಸಂಸ್ಥೆಯ ಕೀರ್ತಿ ಹೆಚ್ಚಿಸಿದ್ದಾರೆ. ಈ ಬಾರಿಯ ಪ್ಲೇಸ್ ಮೆಂಟ್ ನಲ್ಲಿವಿದ್ಯಾರ್ಥಿಯೊಬ್ಬ ವಾರ್ಷಿಕ 7 ಲಕ್ಷ ರೂ. ಗರಿಷ್ಠ ವೇತನ ಪಡೆದಿದ್ದು, ಆಯ್ಕೆಯಾದ ವಿದ್ಯಾರ್ಥಿಗಳ ಸರಾಸರಿ ವೇತನ ಪ್ಯಾಕೇಜ್ ವಾರ್ಷಿಕ 4 ಲಕ್ಷ ರೂ.ಗಳಷ್ಟಿದೆ.
ನಾನಾ ಕ್ಷೇತ್ರಗಳ ಪ್ರಮುಖ ರಾಷ್ಟ್ರೀಯ ಹಾಗೂ ಬಹುರಾಷ್ಟ್ರೀಯ ಕಂಪನಿಗಳಾದ ಬರ್ಜರ್ ಪೇಂಟ್ಸ್ , ಕೃಟಾನಿಕ್ , ಎನ್ ಜೆ ಇನ್ ವೆಸ್ಟ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ , ಕಾಡ್ ಮ್ಯಾಕ್ಸ್ ಸಲ್ಯೂಷನ್ಸ್ , ಇಂಡಿವಿಲೇಜ್ ಟೆಕ್ ಸಲ್ಯೂಷನ್ಸ್ , ಉನ್ನತಿ ಹಾಗೂ ಡೆಟಾಲಾಜಿಕ್ ಸಂಸ್ಥೆಗಳು ವಿದ್ಯಾರ್ಥಿಗಳನ್ನು ಆಯ್ಕೆ ಮಾಡಿಕೊಂಡಿವೆ. ಜತೆಗೆ ಸಂಘದ ಅಂಗ ಸಂಸ್ಥೆಯಾದ ಬಿವಿವಿಎಸ್ , ಎಚ್ ಎಸ್ ಕೆ ಮಲ್ಟಿ-ಸ್ಪೆಷಾಲಿಟಿ ಆಸ್ಪತ್ರೆಯು ಸಹ ಆಡಳಿತ ವಿಭಾಗದ ಹುದ್ದೆಗಳಿಗೆ ವಿದ್ಯಾರ್ಥಿಗಳನ್ನು ನೇಮಿಸಿಕೊಂಡಿರುವುದು ವಿಶೇಷವಾಗಿದೆ ಎಂದು ಬಿಮ್ಸ್ ನಿರ್ದೇಶಕ ಡಾ.ಪ್ರಕಾಶ ವಡವಡಗಿ, ಪ್ಲೇಸ್ ಮೆಂಟ್ ಅಧಿಕಾರಿ ಡಾ.ಪವನ ಬೆನಕಟ್ಟಿ ತಿಳಿಸಿದ್ದಾರೆ.
