ಕಿಯಾರಾ ಕ್ಯೂಟ್ ಲುಕ್
ಬಾಲಿವುಡ್ ನಟಿ ಕಿಯಾರಾ ಅಡ್ವಾಣಿ ಅವರು ಇತ್ತೀಚೆಗೆ ಉಟ್ಟಿದ್ದ ತಿಳಿ ಗುಲಾಬಿ ಬಣ್ಣದ ಸೀರೆ ಅಭಿಮಾನಿಗಳ ಮನ ಗೆದ್ದಿದೆ. ಬೇಬಿ ಪಿಂಕ್ ಬಣ್ಣದ ಬಟ್ಟೆಯು ತುಂಬಾ ಹಗುರವಾಗಿದ್ದು, ನೋಟದಲ್ಲಿರಾಯಲ್ ಫೀಲ್ ನೀಡುತ್ತದೆ. ಈ ಸೀರೆಯ ಹೈಲೈಟ್ ಎಂದರೆ ಅದರ ಆರ್ಗನ್ಜಾ ಪ್ಯಾಚ್ ವರ್ಕ್ ಸೆರಗು. ಇದರಲ್ಲಿಹೂವಿನ ಕೆತ್ತನೆ ಹಾಗೂ ವಾಸ್ತುಶಿಲ್ಪದ ವಿನ್ಯಾಸಗಳಿದ್ದು, ನೋಡುಗರಿಗೆ ಇದು ಕಲಾಕೃತಿಯಂತೆ ಕಾಣಿಸುತ್ತದೆ.
ಸಾಮಾನ್ಯ ಬ್ಲೌಸ್ ಬದಲಿಗೆ ಅವರು ಚಿನ್ನದ ಬಣ್ಣದ ಸೀಕ್ವಿನ್ ಬಸ್ಟಿಯರ್ ಧರಿಸಿದ್ದರು. ಇದು ಸಾಂಪ್ರದಾಯಿಕ ಉಡುಗೆಗೆ ಗ್ಲಾಮರಸ್ ಲುಕ್ ನೀಡಿದ್ದು, ಇದಕ್ಕೆ ಪೂರಕವಾಗಿ ಹಳೆಯ ಮಾದರಿಯ ಡೈಮಂಡ್ ಮತ್ತು ಮುತ್ತಿನ ಚೋಕರ್ ಧರಿಸುವ ಮೂಲಕ ಅವರು ಹೊಸ ಟ್ರೆಂಡ್ ಸೃಷ್ಟಿಸಿದ್ದಾರೆ. ಹಳೆಯ ಪರಂಪರೆ ಮತ್ತು ಇಂದಿನ ಫ್ಯಾಷನ್ ಎರಡನ್ನೂ ಸಮತೋಲನದಲ್ಲಿತೋರಿಸಿದ್ದಾರೆ ಕಿಯಾರಾ.
