ಔಟ್ ಆಫ್ ಸಿಲಬಸ್
Contributed by: Harsha Vardhana|Vijaya Karnataka•
ಪಾಕಿಸ್ತಾನದ ಬೌಲರ್ ಉಸ್ಮಾನ್ ತಾರಿಖ್ ಅವರ ವಿವಾದಾತ್ಮಕ ಬೌಲಿಂಗ್ ಶೈಲಿ ಚರ್ಚೆಯಲ್ಲಿದೆ. ಆರ್.ಅಶ್ವಿನ್ ಬೌಲರ್ಗಳ ಮೇಲಿನ ನಿರ್ಬಂಧಗಳ ಬಗ್ಗೆ ಪ್ರಶ್ನಿಸಿದ್ದಾರೆ. ಬಾಂಗ್ಲಾದೇಶ ಸರಕಾರ ಟಿ20 ವಿಶ್ವಕಪ್ ಬಹಿಷ್ಕಾರ ತಮ್ಮ ನಿರ್ಧಾರವಲ್ಲ ಎಂದು ಹೇಳಿದೆ. ಮುಸ್ತಾಫಿಜುರ್ ರಹಮಾನ್ ಐಪಿಎಲ್ನಿಂದ ಹೊರಗುಳಿದಿದ್ದಕ್ಕೆ ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿ ವಿರೋಧಿಸಿತ್ತು. ಐಸಿಸಿ ಬಾಂಗ್ಲಾದೇಶದ ಬದಲಿಗೆ ಸ್ಕಾಟ್ಲೆಂಡ್ಗೆ ಅವಕಾಶ ನೀಡಿದೆ.
ಪಾಕಿಸ್ತಾನದ ಸ್ಪಿನ್ನರ್ ಉಸ್ಮಾನ್ ತಾರಿಖ್ ಅವರ ಬೌಲಿಂಗ್ ಶೈಲಿ ಮತ್ತೆ ಸುದ್ದಿಯಲ್ಲಿದೆ. ಚೆಂಡು ಎಸೆಯುವಾಗ ಅವರು ತೆಗೆದುಕೊಳ್ಳುವ ವಿರಾಮ ಮತ್ತು ಅವರ ಬೌಲಿಂಗ್ ಕೋನ ಹಲವು ಕ್ರಿಕೆಟಿಗರ, ಅದರಲ್ಲೂ ವಾಸಿಮ್ ಅಕ್ರಂ ಅವರಂತಹ ದಿಗ್ಗಜರ ಟೀಕೆಗೆ ಗುರಿಯಾಗಿದೆ. ಫುಟ್ಬಾಲ್ನಲ್ಲಿ ಪೆನಾಲ್ಟಿ ಶೂಟೌಟ್ ಸಮಯದಲ್ಲಿ ಆಟಗಾರರು ಓಡಿ ಬಂದು ಚೆಂಡು ಹೊಡೆಯುವ ಮುನ್ನ ವಿರಾಮ ತೆಗೆದುಕೊಳ್ಳಲು ಅವಕಾಶವಿಲ್ಲ. ಅದೇ ರೀತಿ ಕ್ರಿಕೆಟ್ನಲ್ಲೂ ಬೌಲಿಂಗ್ ಮಾಡುವಾಗ ಮಧ್ಯೆ ವಿರಾಮ ತೆಗೆದುಕೊಳ್ಳುವುದನ್ನು ನಿಲ್ಲಿಸಬೇಕು ಎಂದು ಪರಿಣತರು ಒತ್ತಾಯಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಭಾರತದ ಆರ್. ಅಶ್ವಿನ್, "ಬ್ಯಾಟರ್ಗಳು ವಿಚಿತ್ರ ಭಂಗಿಗಳಲ್ಲಿ ಬ್ಯಾಟ್ ಮಾಡಲು ಯಾರ ಅನುಮತಿಯೂ ಬೇಕಿಲ್ಲ. ಹಾಗಿದ್ದಾಗ ಬೌಲರ್ಗಳಿಗೆ ಮಾತ್ರ ಏಕೆ ಕಟ್ಟುಪಾಡುಗಳು?" ಎಂದು ಪ್ರಶ್ನಿಸಿದ್ದಾರೆ.ಇನ್ನೊಂದು ಕಡೆ, ಬಾಂಗ್ಲಾದೇಶ ಸರ್ಕಾರವು ಟಿ20 ವಿಶ್ವಕಪ್ ನಲ್ಲಿ ಪಾಲ್ಗೊಳ್ಳದಿರುವ ನಿರ್ಧಾರದ ಬಗ್ಗೆ ಆಘಾತಕಾರಿ ಹೇಳಿಕೆ ನೀಡಿದೆ. ಬಾಂಗ್ಲಾದೇಶ ಸರ್ಕಾರದ ಕ್ರೀಡಾ ಸಲಹೆಗಾರ ಆಸಿಫ್ ನಜ್ರುಲ್, "ಟಿ20 ವಿಶ್ವಕಪ್ನಲ್ಲಿ ಪಾಲ್ಗೊಳ್ಳದಿರುವ ನಿರ್ಧಾರವನ್ನು ನಾವು ಕೈಗೊಂಡಿಲ್ಲ. ಅದು ಬಾಂಗ್ಲಾ ಆಟಗಾರರು ಮತ್ತು ಬಾಂಗ್ಲಾ ಕ್ರಿಕೆಟ್ ಮಂಡಳಿಯ (ಬಿಸಿಬಿ) ನಿರ್ಧಾರ," ಎಂದಿದ್ದಾರೆ. ಈ ಹಿಂದೆ, ಮುಸ್ತಾಫಿಜುರ್ ರಹಮಾನ್ ಅವರನ್ನು ಐಪಿಎಲ್ನಿಂದ ಹೊರಗಿಟ್ಟಿದ್ದಕ್ಕೆ ಬಿಸಿಬಿ ತೀವ್ರ ವಿರೋಧ ವ್ಯಕ್ತಪಡಿಸಿತ್ತು. ಅಲ್ಲದೆ, ಭದ್ರತೆಯ ಕಾರಣ ನೀಡಿ ಟಿ20 ವಿಶ್ವಕಪ್ ಪಂದ್ಯಗಳನ್ನು ಶ್ರೀಲಂಕಾದಲ್ಲಿ ನಡೆಸುವಂತೆ ಬೇಡಿಕೆ ಇಟ್ಟಿತ್ತು. ಆಗ ಆಸಿಫ್ ನಜ್ರುಲ್ ಅವರೇ ಇದು ಸರ್ಕಾರದ ನಿರ್ಧಾರ ಎಂದು ಹೇಳಿದ್ದರು. ಬಾಂಗ್ಲಾದೇಶ ತಮ್ಮ ಬೇಡಿಕೆಯಿಂದ ಹಿಂದೆ ಸರಿಯದಿದ್ದಾಗ, ಐಸಿಸಿ ಅವರ ಸ್ಥಾನವನ್ನು ಸ್ಕಾಟ್ಲೆಂಡ್ಗೆ ನೀಡಿತು.
ಓದಲೇ ಬೇಕಾದ ಸುದ್ದಿ
ಸ್ಟೈಲ್
ಉಗ್ರರ ಸಂಚು ವಿಫಲ
ರಾಷ್ಟ್ರಪತಿ ಭವನದಲ್ಲಿರಾಜಾಜಿ ಪ್ರತಿಮೆ
ಆಫ್ಘನ್ ಮೇಲೆ ಪಾಕಿಸ್ತಾನ ಏರ್ ಸ್ಟ್ರೈಕ್
ಮನಧಿರೇಗಾ ಬಚಾವ್ , ಇಂದು ಚಾಧಿಲಧಿನೆ
ಕರ್ಕೇರ ಸೇರಿ ಮೂವರು ಏಷ್ಯನ್ ಗೇಮ್ಸ್ ಗೆ ಅರ್ಹತೆ
ಅಂಕ ಹಂಚಿಕೊಂಡ ಬಿಎಫ್ ಸಿ-ನಾತ್ ರ್ ಈಸ್ಟ್
ಆಸ್ಪ್ರೇಲಿಯಾ ವಿರುದ್ಧವೂ ಮಣಿದ ಭಾರತ ಹಾಕಿ ತಂಡ
ಅಜೇಯ ತಂಡಗಳ ನಡುವಿನ ಹೋರಾಟ ಇಂದು
ಭಾರತ ‘ಎ’ ಚಾಂಪಿಯನ್