ಮುದ್ದುರಾಮನ ಮನಸು
Contributed by: Shridevi Ambekallu|Vijaya Karnataka•
ಜೀವನದಲ್ಲಿ ಏನೇ ಬಂದರೂ ಧೈರ್ಯದಿಂದ ಎದುರಿಸಬೇಕು. ಶೌರ್ಯ, ಧೀಶಕ್ತಿ, ಮತ್ತು ಉತ್ಸಾಹ ನಮ್ಮನ್ನು ಮುನ್ನಡೆಸುತ್ತವೆ. ಕಷ್ಟಗಳನ್ನು ಎದುರಿಸಲು ಸದಾ ಸಿದ್ಧರಾಗಿರಬೇಕು. ನಮ್ಮೊಳಗಿನ ಅಂತರಂಗದ ಬೆಳಕನ್ನು ಬೆಳಗಿಸಿಕೊಳ್ಳಬೇಕು. ಭಗವಂತನ ಭಕ್ತಿಯಿಂದ ಸಂತಸವನ್ನು ಪಡೆಯಬಹುದು. ಧೈರ್ಯದಿಂದ ಮುನ್ನಡೆದರೆ ಜಯ ಖಚಿತ. ಇದು ಜೀವನದ ಸತ್ಯ.
ಜೀವನದಲ್ಲಿ ಏನೇ ಬಂದರೂ ಹೆದರಬಾರದು. 'ಮುಂದೆ ಮುಂದೆ ಸಾಗು' ಎಂಬ ಧ್ಯೇಯ ಇಟ್ಟುಕೊಂಡು ಮುನ್ನಡೆಯಬೇಕು. ಸಾಹಸಕ್ಕೆ ಸದಾ ಸಿದ್ಧರಾಗಿರಬೇಕು. ನಮಗೆ ಬೇಕಾದುದು ಸಿಗುವ ಖಚಿತತೆ ಇಲ್ಲ, ಬೇಡವೆಂದಾಗ ಸಿಗದಿರುವ ಸಾಧ್ಯತೆಯೂ ಇಲ್ಲ. ಗೆಲುವಿಗೆ ಕೆಚ್ಚು ಮುಖ್ಯ. ಹುಚ್ಚುತನಕ್ಕೆ ಹೋಗದೆ, ಬೆಚ್ಚಿ ಬೀಳುವ ಪರಿಸ್ಥಿತಿಗೆ ಅಧೀನರಾಗದೆ, ಹುಚ್ಚು ಸಾಹಸವಿಲ್ಲದೆ, ಸ್ಪಷ್ಟ ಮಾತು ಮತ್ತು ತೆರೆದ ಮನಸ್ಸಿನಿಂದಿದ್ದರೆ, ನಮ್ಮಲ್ಲಿನ ಚೈತನ್ಯ ಇತರರಿಗೆ ಆದರ್ಶವಾಗುತ್ತದೆ. ಅದೇ ವಿಜಯದ ಗುಟ್ಟು ಕೂಡ.ಧೈರ್ಯ ಮತ್ತು ಬುದ್ಧಿಶಕ್ತಿಯನ್ನು ಕಳೆದುಕೊಂಡರೆ ಜೀವನದ ಮೇಲಿನ ಪ್ರೀತಿ ಕಡಿಮೆಯಾಗುತ್ತದೆ. ಆದ್ದರಿಂದ ಯಾರಿಗೂ ಹೆದರಬೇಕಾಗಿಲ್ಲ. ಮನಸ್ಸು ಗಟ್ಟಿಯಾಗಿದ್ದರೆ ದಾರಿ ಸಿಗುತ್ತದೆ. ಧೈರ್ಯವಿದ್ದರೆ ಗೆಲುವು ಖಚಿತ. ನಮ್ಮ ಜೀವನದಲ್ಲಿ ಎದುರಾಗುವುದು ಏನೇ ಆಗಿರಲಿ, ಹೇಗೇ ಇರಲಿ, ಧೈರ್ಯದಿಂದ ಸಾಗಿದರೆ ಜಯ ಖಚಿತ.
ಹೇಡಿತನ ನಮ್ಮಲ್ಲಿ ಇರಬಾರದು. ಬಲಹೀನರು ಎತ್ತರವನ್ನು ಹೇಗೆ ಜಯಿಸುತ್ತಾರೆ? ನಾಳೆ ಎನ್ನುವವರು ಕೊಯ್ಲು ಮಾಡಿದ್ದಾರೆಯೇ? ತೂಕಡಿಸಿದವರು ವಿಜಯರಥ ಹತ್ತಿದ್ದಾರೆಯೇ? ಸಾಧನೆಯ ಮಡಿಲಲ್ಲಿ ವಿಸ್ಮಯವಿದೆ. ಮುನ್ನಡೆಯುವ ಸಾಹಸಕ್ಕೆ ದಾರಿದೀಪವಿದೆ. ಧೃತಿಗೆಡದೆ ಮುನ್ನುಗ್ಗಿದರೆ, ಗಂಗೋತ್ರಿ ನೋಟವಿರಲು ಶ್ರದ್ಧೆಯಲ್ಲಿ ವಿಜಯವಿದೆ.
ನಮ್ಮನ್ನು ನಾವು ಸ್ಪಷ್ಟವಾಗಿ ಅರಿಯಬೇಕಾದರೆ, ಎಂದೂ ಆರಿಹೋಗದ ಅಂತರಂಗದ ಬೆಳಕು ನಮ್ಮಲ್ಲಿರಬೇಕು. ಈ ಬೆಳಕಿನ ಮುಂದೆ ಬೇರೆ ಯಾವ ಸಂಪತ್ತೂ ನಿಲ್ಲದು. ಅಂತರಂಗದ ಬೆಳಕು ಲೋಕವನ್ನೇ ಬೆಳಗುತ್ತದೆ. ಬದುಕಿನ ಸುಂದರ ರಾಗವೆಂದರೆ ಪುಟಿದೇಳುವ ಉತ್ಸಾಹ.
ಜಡತ್ವ ನಮ್ಮ ಹತ್ತಿರ ಸುಳಿಯದಂತೆ, ನಾವು ಏನು ಮಾಡಬೇಕು ಎಂಬ ಸ್ಪಷ್ಟ ನಿರ್ಧಾರ ಹೊಂದಿದ್ದರೆ, ಅದನ್ನು ಮಾಡುವ ಧೈರ್ಯ ತೋರಿದರೆ 'ಇದು ನನ್ನಿಂದ ಸಾಧ್ಯ' ಎಂಬ ಭರವಸೆ ಮೂಡುತ್ತದೆ. ಆಗ 'ನನ್ನಿಂದಾಗದು' ಎಂಬ ನಿರಾಸೆ ಬಾರದೆ ಹುಮ್ಮಸ್ಸು ತುಂಬುತ್ತದೆ. ಉತ್ಸಾಹ ಚಿಮ್ಮುತ್ತದೆ. ಬದುಕು ಅರಳುತ್ತದೆ. ಆಗ ಮನಸ್ಸಿನ ನಿರ್ಧಾರ ಹೀಗಿರಬೇಕು: "ಗಾಬರಿಯ ಮುದಿಯೆಲೆಯ ಚಿವುಟಿಬಿಡು ಅಲ್ಲಲ್ಲೆ". ಆಗ ನಮ್ಮ ನಿಜವಾದ ಶಕ್ತಿ ನಮಗೆ ತಿಳಿಯುತ್ತದೆ. ಭಗವಂತನ ಭಕ್ತಿಯನ್ನು ನಮ್ಮದಾಗಿಸಿಕೊಂಡು, ಸಂತೋಷ ಮತ್ತು ಸಂಭ್ರಮದ ಮಹಾಸಾಮ್ರಾಜ್ಯದ ಒಡೆಯರಾಗಿ, ನಿಜ ಜೀವನದ ದಿವ್ಯ ಸಂಪತ್ತನ್ನು ಅನುಭವಿಸಬಹುದು. 'ಮುದ್ದುರಾಮ'ನ ಕರುಣೆಯಲ್ಲಿ 'ಧೃತಿಯಿಂದ ಉತ್ಕರ್ಷ' ಎಂಬುದನ್ನು ತೋರಿ, 'ಬದುಕು' ಎಂಬ ಪಾತಿಗೆ ಉತ್ಸಾಹದ ನೀರನ್ನು ತುಂಬಬಹುದು.
ಓದಲೇ ಬೇಕಾದ ಸುದ್ದಿ
ಮೀನು ಸಾಕಾಣಿಕೆ ನೇರ ಗುತ್ತಿಗೆಯಲ್ಲಿಅಕ್ರಮ
ಬಿಎಡ್ 2ನೇ ಸೆಮಿಸ್ಟರ್ ಪರೀಕ್ಷೆಯಲ್ಲಿವಿಕ್ರಂ ಕಾಲೇಜಿಗೆ 100% ಫಲಿತಾಂಶ
ತಾಯಿಯ ತಂಗಿ ಮಗನಿಂದಲೇ ಮಗೆ ಕನ್ನ
ತಂಬಾಕು ಸೇವನೆಯಿಂದ ದೂರವಿರಿ
ಮಾವಿನ ತೋಟಗಳಲ್ಲಿಹೂವಿನ ಹಬ್ಬ
‘ಆರೋಗ್ಯದ ಕಾಳಜಿ ವಹಿಸಿ’
ಗಣರಾಜ್ಯೋತ್ಸವ ಸಂಭ್ರಮದಿಂದ ಆಚರಿಸಿ
ಶುದ್ಧ ಜಲ ಅಭಿಯಾನ
ವೈಜ್ಞಾನಿಕ ಪರಿಕಲ್ಪನೆ ಮೂಡಿಸಿ
ವಿವೇಕರ ಸಂದೇಶ ಯುವ ಜನತೆಗೆ ಸ್ಫೂರ್ತಿ