ಅಮ್ಮನ ಅಗಲಿಕೆ ನಡುವೆ ಪರೀಕ್ಷೆ ಬರೆದ ದಿಶಾ ರಾಜ್ಯಕ್ಕೆ ಟಾಪರ್

ಮೂಡುಬಿದಿರೆ: ಪರೀಕ್ಷೆ ಬರೆಯುವಾಗಲೇ ಅಮ್ಮನ ಅಗಲಿಕೆಯ ನೋವು, ಕಾಲೇಜಿನ ಕೋಚಿಂಗ್ ಶುಲ್ಕ ಪಾವತಿಸಿದ ಉಪನ್ಯಾಸಕರು ತನ್ನ ಮೇಲೆ ಇಟ್ಟ ನಂಬಿಕೆ ಹುಸಿಗೊಳಿಸಬಾರದೆಂಬ ತೊಳಲಾಟ, ಬದುಕಿನಲ್ಲಿಏನನ್ನಾದರೂ ಸಾಧಿಸಬೇಕೆಂಬ ಛಲ, ಈ ಎಲ್ಲಸಂದಿಗ್ಧತೆಯಲ್ಲೇ ಪರೀಕ್ಷೆ ಬರೆದ ದಿಶಾ ವಾಣಿಜ್ಯ ವಿಭಾಗದಲ್ಲಿ600ಕ್ಕೆ 600 ಅಂಕ ಗಳಿಸುವ ಮೂಲಕ ರಾಜ್ಯಕ್ಕೇ ಟಾಪರ್ ಆಗಿದ್ದಾರೆ.

ಎಂತಹ ಒತ್ತಡ, ಆತಂಕ ಎದುರಾದರೂ ವಿಚಲಿತಲಾಗದೇ ಏಕಾಗ್ರತೆಯಿಂದ ಓದುತ್ತಿದ್ದೆ. ಓದಿಗೆ ನಿರ್ದಿಷ್ಟ ಸಮಯ ಗೊತ್ತುಪಡಿಸದೆ ಸಿಕ್ಕಿದ ಸಮಯವನ್ನು ಸಮರ್ಪಕವಾಗಿ ಬಳಸುತ್ತಿದ್ದೆ. ನನ್ನ ಈ ಸಾಧನೆಯ ಹಿಂದೆ ಕಾಲೇಜಿನ ಉಪನ್ಯಾಸಕರ ಪ್ರೋತ್ಸಾಹ ಬಹಳಷ್ಟಿದೆ. ಮುಂದೆ ಸಿಎ ಪರೀಕ್ಷೆ ಬರೆದು ಲೆಕ್ಕಪರಿಶೋಧಕಿಯಾಗುವ ಗುರಿ ಇಟ್ಟುಕೊಂಡಿದ್ದೇನೆ ಎನ್ನುತ್ತಾರೆ ದಿಶಾ.