ಐರೋಪ್ಯ ಒಕ್ಕೂಟಕ್ಕೂ ವಿಸ್ತರಿಸಿದ ಸಮರ ಭೀತಿ
Contributed by: shree vijendra|Vijaya Karnataka•
ಅಮೆರಿಕ ಮತ್ತು ಇಸ್ರೇಲ್ ನಡೆಸಿದ ವಾಯುದಾಳಿಯಿಂದಾಗಿ ಇರಾನ್ನ ಸಂಘರ್ಷ ಈಗ ಯುರೋಪಿಯನ್ ಒಕ್ಕೂಟಕ್ಕೂ ವ್ಯಾಪಿಸಿದೆ. ಇರಾನ್ನ ಪ್ರತೀಕಾರದ ದಾಳಿಗಳು ಕೊಲ್ಲಿ ರಾಷ್ಟ್ರಗಳಲ್ಲಿನ ಅಮೆರಿಕ ಸೇನಾ ನೆಲೆಗಳನ್ನು ಗುರಿಯಾಗಿಸಿವೆ. ಫ್ರಾನ್ಸ್, ಜರ್ಮನಿ, ಬ್ರಿಟನ್ ಇರಾನ್ ದಾಳಿಯನ್ನು ಖಂಡಿಸಿ ಅಮೆರಿಕ-ಇಸ್ರೇಲ್ಗೆ ಬೆಂಬಲ ಘೋಷಿಸಿವೆ. ಲೆಬನಾನ್ ಮೇಲೂ ಇಸ್ರೇಲ್ ಭೂದಾಳಿ ಆರಂಭಿಸಿದೆ.
ಶನಿವಾರ ನಡೆದ 'ಆಪರೇಷನ್ ಎಪಿಕ್ ಫ್ಯೂರಿ' ಎಂಬ ವಾಯುದಾಳಿಯಲ್ಲಿ ಇರಾನ್ನ ಪರಮೋಚ್ಚ ನಾಯಕ ಅಯತೊಲ್ಲಾ ಅಲಿ ಖಮೇನಿ ಹತ್ಯೆಯಾಗಿದ್ದಾರೆ. ಇದರಿಂದ ಕೆರಳಿರುವ ಇರಾನ್ನ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ (IRGC), ಕೊಲ್ಲಿ ರಾಷ್ಟ್ರಗಳಲ್ಲಿರುವ ಅಮೆರಿಕ ಸೇನಾ ನೆಲೆಗಳು ಮತ್ತು ರಾಯಭಾರ ಕಚೇರಿಗಳ ಮೇಲೆ ಮಂಗಳವಾರವೂ ದಾಳಿ ಮುಂದುವರಿಸಿದೆ. ದೋಹಾ, ಮನಾಮ, ದುಬೈ ನಗರಗಳಲ್ಲಿ ಇರಾನ್ ಕ್ಷಿಪಣಿ ಮತ್ತು ಡ್ರೋನ್ ದಾಳಿ ನಡೆಸಿದೆ.ಈ ಬೆಳವಣಿಗೆಯನ್ನು ಖಂಡಿಸಿರುವ ಯುರೋಪಿಯನ್ ಒಕ್ಕೂಟದ ಸದಸ್ಯ ರಾಷ್ಟ್ರಗಳಾದ ಫ್ರಾನ್ಸ್, ಜರ್ಮನಿ ಮತ್ತು ಬ್ರಿಟನ್ ಜಂಟಿ ಹೇಳಿಕೆ ಬಿಡುಗಡೆ ಮಾಡಿವೆ. ಇರಾನ್ನ ಕ್ಷಿಪಣಿ ಸಾಮರ್ಥ್ಯವನ್ನು ನಾಶಪಡಿಸಲು ಅಗತ್ಯ ರಕ್ಷಣಾ ಕ್ರಮಗಳನ್ನು ಕೈಗೊಳ್ಳಲು ತಾವು ಸಿದ್ಧರಿರುವುದಾಗಿ ತಿಳಿಸಿವೆ. ಅಲ್ಲದೆ, ತಮ್ಮ ಕೊಲ್ಲಿ ಮಿತ್ರ ರಾಷ್ಟ್ರಗಳನ್ನು ರಕ್ಷಿಸಲು ಅಗತ್ಯ ನೆರವು ನೀಡುವುದಾಗಿ ಘೋಷಿಸಿವೆ. ಅಮೆರಿಕದ ಪರ ನಿಂತಿರುವ ಬ್ರಿಟನ್ ಪ್ರಧಾನಿ ಕೀರ್ ಸ್ಟಾರ್ಮರ್, ಅಗತ್ಯ ಬಿದ್ದರೆ ಹಿಂದೂ ಮಹಾಸಾಗರದಲ್ಲಿರುವ ಡಿಯಾಗೋ ಗಾರ್ಸಿಯಾ ಮತ್ತು ಇಂಗ್ಲೆಂಡ್ನ ಗ್ಲೌಸೆಸ್ಟರ್ಶೈರ್ನಲ್ಲಿರುವ RAF ವಾಯುನೆಲೆಗಳನ್ನು ಬಳಸಿಕೊಳ್ಳಲು ಟ್ರಂಪ್ಗೆ ಅನುಮತಿ ನೀಡಿದ್ದಾರೆ ಎಂದು ವರದಿಗಳು ತಿಳಿಸಿವೆ.
ಇರಾನ್ನ ದಾಳಿಯಿಂದ ಯುಎಇಯಲ್ಲಿರುವ ತಮ್ಮ ವಾಯುನೆಲೆಗಳನ್ನು ರಕ್ಷಿಸಿಕೊಳ್ಳಲು ಫ್ರಾನ್ಸ್, ಅಬುಧಾಬಿ ಸಮೀಪದ ದಾಫ್ರಾ ಏರ್ಬೇಸ್ಗೆ ಮೂರು ರಫೇಲ್ ಫೈಟರ್ ಜೆಟ್ಗಳನ್ನು ಕಳುಹಿಸಿದೆ. ಈ ಕ್ರಮಕ್ಕೆ ಪ್ರತಿಕ್ರಿಯೆಯಾಗಿ, ಇರಾನ್ನ ವಿದೇಶಾಂಗ ಸಚಿವಾಲಯ, "ಇಸ್ರೇಲ್ ಮತ್ತು ಅಮೆರಿಕ ವಿರುದ್ಧದ ನಮ್ಮ ಸಮರದಲ್ಲಿ ನೀವೇನಾದರೂ ಭಾಗಿಯಾದರೆ ದೊಡ್ಡ ಬೆಲೆ ತೆರಬೇಕಾಗುತ್ತದೆ" ಎಂದು ಯುರೋಪಿಯನ್ ಒಕ್ಕೂಟದ ಈ ಮೂರು ರಾಷ್ಟ್ರಗಳಿಗೆ ಎಚ್ಚರಿಕೆ ನೀಡಿದೆ.
ಇಸ್ರೇಲ್ ರಕ್ಷಣಾ ಸಚಿವರು, ಲೆಬನಾನ್ನಲ್ಲಿರುವ ಹಿಜ್ಬುಲ್ಲಾ ಬಂಡುಕೋರರ ಮೇಲೆ ಹಿಡಿತ ಸಾಧಿಸಲು ಹೆಚ್ಚುವರಿ ಕಾರ್ಯಾಚರಣೆಗಳನ್ನು ನಡೆಸುವಂತೆ ಯೋಧರಿಗೆ ಸೂಚನೆ ನೀಡಿದ್ದಾರೆ. ಇದರ ಬೆನ್ನಲ್ಲೇ, ಇಸ್ರೇಲ್ ಪಡೆಗಳು ದಕ್ಷಿಣ ಲೆಬನಾನ್ ಗಡಿಯಲ್ಲಿ ಭೂದಾಳಿಯನ್ನು ಆರಂಭಿಸಿವೆ.
ಓದಲೇ ಬೇಕಾದ ಸುದ್ದಿ
ಇಂದು ಹಿರಿಯ ನಾಗರಿಕರ ರಕ್ಷಣೆಯ ಸಾಮಾಜಿಕ ಜಾಗೃತಿ
*38 ಸ್ಥಳೀಯಾಡಳಿತ ಸಂಸ್ಥೆಗಳ ಯೋಜನೆಗಳಿಗೆ ಅಂಗೀಕಾರ: ಜಿಲ್ಲಾಯೋಜನಾ ಸಮಿತಿ ಸಭೆ
**ವಿವಾದಿತ ಕುಂಬಳೆ ಟೋಲ್ ಗೇಟ್ ಮೂಲಕ 2.7 ಕೋಟಿ ರೂ. ಸಂಗ್ರಹ
*ಕಾಶ್ಮೀರದಿಂದ ಹೊರಟ ರಾಮನವಮಿ ರಥಕ್ಕೆ ಬದಿಯಡ್ಕದಲ್ಲಿಸ್ವಾಗತ
ಆಮಂತ್ರಣ ಪತ್ರಿಕೆ ಬಿಡುಗಡೆ
ಸಂಘರ್ಷ ವಿಸ್ತರಣೆ ಭಾರತಕ್ಕೆ ಕಳವಳಕಾರಿ
ಇರಾನ್ ಸಂಧಾನದ ಆಹ್ವಾನ ತಿರಸ್ಕರಿಸಿದ ಟ್ರಂಪ್
ಸೂರು ಕಳೆದುಕೊಳ್ಳುವ ಭೀತಿಯಲ್ಲಿ ಶ್ರೀಸಾಮಾನ್ಯರು | ಹೌಸಿಂಗ್ ಯೋಜನೆಗಳಿಗೇಕೆ ಈ ದುಸ್ಥಿತಿ?
ಕಧಿರೆ ಕದ್ದಾಲಿಕೆ ಆರೋಪ ಸಿಎಂ ತಿರುಗೇಟಿಕೆ ಕುಮಾರಸ್ವಾಮಿ ಪ್ರತ್ಯುತ್ತರ
*ಡ್ರೋನ್ ಮೂಲಕ ಬಾಳæ ಪæäೕಷಣೆ ಮಡಿಕೈ ತೋಟದಲ್ಲಿಡ್ರೋನ್ ಮೂಲಕ ಪರೀಕ್ಷಾರ್ಥ ಗೊಬ್ಬರ ಪ್ರಯೋಗ