ಬೀದಿ ನಾಯಿ ಕಂಟ್ರೋಧಿಲ್ ಧಿಗೆ ಟ್ರಿಕ್ ..! (ಧಿಹೆಧಿಡ್ )
Contributed by: VIJAYKUMAR P|Vijaya Karnataka•
ಹುಬ್ಬಳ್ಳಿ-ಧಾರವಾಡ ಅವಳಿ ನಗರದಲ್ಲಿ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗಿದೆ. ಮಹಾನಗರ ಪಾಲಿಕೆ ನಿಯಂತ್ರಣಕ್ಕೆ ವಿಫಲವಾಗಿದೆ. ಸಾರ್ವಜನಿಕರು ಈಗ ಹೊಸ ಉಪಾಯ ಕಂಡುಕೊಂಡಿದ್ದಾರೆ. ಮನೆಗಳ ಮುಂದೆ ಕುಂಕುಮ ಮತ್ತು ಅರಿಶಿಣ ನೀರು ತುಂಬಿದ ಬಾಟಲ್ಗಳನ್ನು ತೂಗು ಹಾಕುತ್ತಿದ್ದಾರೆ. ಇದರಿಂದ ನಾಯಿಗಳು ಹತ್ತಿರ ಸುಳಿಯುತ್ತಿಲ್ಲ. ಈ ಸರಳ ಪ್ರಯೋಗದಿಂದ ನಾಯಿ ಕಾಟದಿಂದ ಮುಕ್ತಿ ಸಿಕ್ಕಿದೆ.
ಅವಳಿ ನಗರದಲ್ಲಿ ಬೀದಿ ನಾಯಿಗಳ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಇದರಿಂದಾಗಿ ಸಾರ್ವಜನಿಕರು ಹಗಲು-ರಾತ್ರಿ ಹೊರಗೆ ಬರಲು ಹೆದರುತ್ತಿದ್ದಾರೆ. ನಾಯಿ ಕಡಿತದ ಪ್ರಕರಣಗಳೂ ಹೆಚ್ಚಾಗುತ್ತಿವೆ. ರಾತ್ರಿಯಾದರೆ ಸಾಕು, ನಾಯಿಗಳ ಬೊಗಳಾಟಕ್ಕೆ ಜನ ನಿದ್ದೆಗೆಡುವುದಂತೂ ಸಾಮಾನ್ಯವಾಗಿದೆ. ಅಲ್ಲದೆ, ಬೀದಿ ನಾಯಿಗಳು ಸಾರ್ವಜನಿಕ ಸ್ಥಳಗಳಲ್ಲಿ ಮಲ-ಮೂತ್ರ ವಿಸರ್ಜನೆ ಮಾಡುತ್ತಿರುವುದರಿಂದ ಆ ಪ್ರದೇಶಗಳು ಗಲೀಜಾಗುತ್ತಿವೆ.ಬೀದಿ ನಾಯಿಗಳ ಕಿರಿಕಿರಿಯಿಂದ ಬೇಸತ್ತ ಜನರು ಆಕ್ರೋಶ ವ್ಯಕ್ತಪಡಿಸಿದಾಗ, ಪಾಲಿಕೆ ಕೆಲವೊಮ್ಮೆ ಕಾಟಾಚಾರಕ್ಕೆ ನಾಯಿಗಳನ್ನು ಸ್ಥಳಾಂತರಿಸುವುದು ಅಥವಾ ಸಂತಾನಶಕ್ತಿಹರಣ ಚಿಕಿತ್ಸೆ ಮಾಡಿಸುವುದು ಮಾಡುತ್ತದೆ. ಆದರೆ, ಪ್ರತಿವರ್ಷ ಬೀದಿ ನಾಯಿಗಳ ಹಾವಳಿ ತಡೆಯಲು ಕೋಟಿ ಕೋಟಿ ರೂಪಾಯಿ ಖರ್ಚಾಗುತ್ತಲೇ ಇದೆ ಎಂದು ಸಾರ್ವಜನಿಕರು ಆರೋಪಿಸುತ್ತಿದ್ದಾರೆ. ಈ ಸಮಸ್ಯೆಗೆ ಶಾಶ್ವತ ಪರಿಹಾರ ಸಿಗುತ್ತಿಲ್ಲ.
ಈ ನಾಯಿಗಳ ಸಮಸ್ಯೆಯಿಂದ ಮುಕ್ತಿ ಪಡೆಯಲು ಹುಬ್ಬಳ್ಳಿ ವಿದ್ಯಾನಗರ, ಶ್ರೀನಗರ, ಉಣಕಲ್, ದೇಶಪಾಂಡೆ ನಗರ ಸೇರಿದಂತೆ ಅನೇಕ ಕಡೆ ಸಾರ್ವಜನಿಕರು ಕುಂಕುಮ ಮತ್ತು ಅರಿಶಿನ ನೀರಿನ ಟ್ರಿಕ್ಗೆ ಮೊರೆ ಹೋಗಿದ್ದಾರೆ. ಪ್ಲಾಸ್ಟಿಕ್ ಅಥವಾ ಗಾಜಿನ ಬಾಟಲಿಗಳಲ್ಲಿ (ಪ್ರತ್ಯೇಕವಾಗಿ) ಕುಂಕುಮ ಮತ್ತು ಅರಿಶಿನ ನೀರನ್ನು ಹಾಕಿ, ಅದನ್ನು ಚೆನ್ನಾಗಿ ಕದಡಿ ರಂಗೇರುವಂತೆ ಮಾಡುತ್ತಾರೆ. ಈ ಬಾಟಲಿಗಳನ್ನು ಬೀದಿ ನಾಯಿಗಳ ಹಾವಳಿ ಇರುವ ಸ್ಥಳದಲ್ಲಿ ಇಟ್ಟರೆ ಸಾಕು, ಅವುಗಳ ಕಾಟ ತಪ್ಪುತ್ತದೆ ಎಂದು ಮನೋಜ್ಕುಮಾರ್, ಸುರೇಶ ಬಡವಣ್ಣವರ, ರಮೇಶ ಕಿತ್ತೂರ, ಶ್ರೀನಿವಾಸ್ ಕುಲಕರ್ಣಿ, ಸರೋಜಾ ಜಕ್ಕೊಳ್ಳಿ ಸೇರಿದಂತೆ ಹಲವರು ಹೇಳುತ್ತಿದ್ದಾರೆ.
ಹು-ಧಾ ಸೇರಿದಂತೆ ಎಲ್ಲೆಡೆ ಸಾರ್ವಜನಿಕರು ಶಾಲೆ, ಮನೆ-ಕಚೇರಿಗಳ ಪ್ರವೇಶ ದ್ವಾರ, ಕಾಂಪೌಂಡ್, ಗೇಟ್, ಉದ್ಯಾನ ಸೇರಿದಂತೆ ಅಲ್ಲಲ್ಲಿ ಕೆಂಪು-ಹಳದಿ ನೀರಿನ ಬಾಟಲ್ಗಳನ್ನು ತೂಗು ಹಾಕುತ್ತಿದ್ದಾರೆ. ಈ ಬಾಟಲ್ಗಳನ್ನು ಕಟ್ಟಿದವರಿಗೆ ನಾಯಿ ಕಾಟದಿಂದ ಮುಕ್ತಿ ಸಿಕ್ಕಂತಾಗಿದೆ.
"ವಿದ್ಯಾನಗರದಲ್ಲಿ ಮನೆ, ಪಿಜಿ, ಹೋಟೆಲ್ಗಳ ಎದುರು ಬೀದಿ ನಾಯಿಗಳ ಹಾವಳಿ ಅಧಿಕವಾಗಿತ್ತು. ಈಗ ಕುಂಕುಮ ಮತ್ತು ನೀರಿನ ಮಿಶ್ರಣದ ಬಾಟಲ್ ಟ್ರಿಕ್ನಿಂದ ಬೀದಿ ನಾಯಿಗಳು ಇತ್ತ ಸುಳಿಯುತ್ತಿಲ್ಲ." ಎಂದು ಮಮತಾ ಎಸ್., ಹುಬ್ಬಳ್ಳಿ ಹೇಳಿದ್ದಾರೆ.
"ಬೀದಿ ನಾಯಿ ಹಾವಳಿ ತಡೆಗೆ ಮನೆ ಹಾಗೂ ಸಾರ್ವಜನಿಕ ಸ್ಥಳದಲ್ಲಿ ನೀರು-ಕುಂಕುಮ ಹಾಕಿದ ಬಾಟಲ್ ಇಟ್ಟಿರುವುದನ್ನು ನಾನು ಸಹ ನೋಡಿದ್ದೇನೆ. ಆದರೆ ಇದಕ್ಕೆ ಬೀದಿ ನಾಯಿಗಳು ಏಕೆ ಹೆದರುತ್ತವೆ ಎಂಬುದು ವೈಜ್ಞಾನಿಕವಾಗಿ ಗೊತ್ತಾಗಿಲ್ಲ." ಎಂದು ಡಾ. ಎಸ್.ವಿ.ಸಂತಿ, ಉಪನಿರ್ದೇಶಕರು, ಪಶುಪಾಲನಾ ಹಾಗೂ ಪಶು ವೈದ್ಯಕೀಯ ಸೇವಾ ಇಲಾಖೆ, ಧಾರವಾಡ ತಿಳಿಸಿದ್ದಾರೆ.
ಹುಬ್ಬಳ್ಳಿ ವಿದ್ಯಾನಗರದ ಕಾಂಪೌಂಡ್ಗೆ ಬೀದಿ ನಾಯಿಗಳ ಹಾವಳಿ ತಡೆಗೆ ಬಾಟಲಿನಲ್ಲಿ ಕುಂಕುಮ ನೀರು ಹಾಕಿ ನೇತು ಹಾಕಿರುವುದು ಕಂಡುಬಂದಿದೆ. ಈ ಹೊಸ ಟ್ರಿಕ್ ಜನರಿಗೆ ಸ್ವಲ್ಪ ಮಟ್ಟಿಗೆ ನೆಮ್ಮದಿ ತಂದಿದೆ.
ಓದಲೇ ಬೇಕಾದ ಸುದ್ದಿ
ಅಪೂರ್ವ ಹೋಮ್ ಸ್ಟೇ ಆರಂಭ
ವಾರದಲ್ಲೇ ಸಂಚಾರಕ್ಕೆ ಅನುಕೂಲ ಮಾಡಿಕೊಡಿ
ದ.ಕ.ದಲ್ಲಿ 54677 ಪ್ರಕರಣಗಳು ಇತ್ಯರ್ಥಕ್ಕೆ ಬಾಕಿ
ಕಾರ್ನಾಡು ಸಣ್ಣ ಕೈಗಾರಿಕೆಗಳ ಸಂಘದ ಆಶ್ರಯದಲ್ಲಿಕಾರ್ಯಕ್ರಮ
ಮಕ್ಕಳಿಗೆ ತಾಯ್ತಂದೆಯರೇ ಮಾದರಿ
ಮಹಿಳಾ ದಿನಾಚರಣೆ: ಮಹಿಳಾ ಪೊಲೀಸರಿಗೆ ಸನ್ಮಾನ
ದೇಶದ ಒಳಿತಿಗಾಗಿ ಎಲ್ಲರೂ ಕೈ ಜೋಡಿಸಿ
ಅಂಕೋಲಾ ನಾರಾಯಣ ಗುರು
** ಸ್ವಚ್ಛ ಪರಿಸರ ನಿರ್ಮಾಣ ಸಂಘ, ಸಂಸ್ಥೆಗಳ ಗುರಿಯಾಗಲಿ
ತೃಕ್ಕನ್ನಾಡು ಆರಾಟು ಮಹೋತ್ಸವಕ್ಕೆ ಚಾಲನೆ