ಮಧ್ಯಪ್ರಾಚ್ಯ ಬಿಕ್ಕಟ್ಟು ಪರಿಹಾರ ವಿಶ್ವಾಸ ವಾರಾಂತ್ಯದಲ್ಲಿಷೇರುಪೇಟೆ ಉತ್ಸಾಹ

ಮುಂಬಯಿ: ಮಧ್ಯಪ್ರಾಚ್ಯ ಬಿಕ್ಕಟ್ಟು ಶಮನವಾಗುವ ಆಶಯ ಹೂಡಿಕೆದಾರರ ಆತ್ಮವಿಶ್ವಾಸಕ್ಕೆ ಬಲ ತುಂಬಿತು. ಹೀಗಾಗಿ ವಾರಾಂತ್ಯದಲ್ಲಿಷೇರುಪೇಟೆ ವಹಿವಾಟು ಉತ್ಸಾಹದೊಂದಿಗೆ ಕೊನೆಗೊಂಡಿತು. ಮುಂಬಯಿ ಷೇರುಪೇಟೆ ಸೂಚ್ಯಂಕ ‘ಸೆನ್ಸೆಕ್ಸ್ ’ 918.60 ಅಂಕ ಏರಿ 77,550.25ರಲ್ಲಿಕೊನೆಗೊಂಡಿತು. ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ ‘ ನಿಫ್ಟಿ ’ 275.50 ಅಂಕ ಏರಿಕೆಯಾಗಿ 24,050.60ರಲ್ಲಿಸ್ಥಿರಗೊಂಡಿತು. ಕಚ್ಚಾ ತೈಲದ ಬೆಲೆ ಇಳಿಕೆ ಕೂಡ ಗೂಳಿ ಆರ್ಭಟವನ್ನು ಜೋರಾಗಿಸಿತು. ದಿನವಿಡೀ ಷೇರುಪೇಟೆ ಏರು ಹಾದಿಯಲ್ಲೇ ಇತ್ತು. ಏಷ್ಯಾದ ಮಾರುಕಟ್ಟೆಗಳ ಪೈಕಿ ದಕ್ಷಿಣ ಕೊರಿಯಾದ ಕೊಸ್ಪಿ, ಜಪಾನ್ ನ ನಿಕೈ 225 ಇಂಡೆಕ್ಸ್ , ಶಾಂಘೈನ ಎಸ್ ಎಸ್ ಇ ಕಾಂಪೊಸಿಟ್ ಇಂಡೆಕ್ಸ್ ಮತ್ತು ಹಾಂಕಾಂಗ್ ನ ಹ್ಯಾಂಗ್ ಸೆಂಗ್ ಇಂಡೆಕ್ಸ್ ಏರುಗತಿಯಲ್ಲಿದ್ದವು. ಐರೋಪ್ಯ ಮಾರುಕಟ್ಟೆ ಕೂಡ ಏರಿಕೆ ಕಂಡಿತು. ಜಾಗತಿಕ ಮಾರುಕಟ್ಟೆಯಲ್ಲಿಬ್ರೆಂಟ್ ಕಚ್ಚಾ ತೈಲದ ಬೆಲೆ ಶೇ.0.57ರಷ್ಟು ಏರಿ ಬ್ಯಾರೆಲ್ ಗೆ 96.47 ಡಾಲರ್ ಆಗಿದೆ.