ಬಿಬಿಎ, ಎಂಬಿಎಗೆ ವಿಫುಲ ಅವಕಾಶ

ಬಿಬಿಎ , ಎಂಬಿಎಗೆ ವಿಫುಲ ಅವಕಾಶ

ಇಂಟ್ರೊ

ಕಾರ್ಪೊರೇಟ್ ಜಗತ್ತಿನಲ್ಲಿಅತಿ ಬೇಡಿಕೆಯ ಕೋರ್ಸ್ ಗಳಾದ ಬಿಬಿಎ ಹಾಗೂ ಎಂಬಿಎಗಳಿಗೆ ಇರುವ ಅವಕಾಶಗಳೇನು ಅನ್ನುವ ಮಾಹಿತಿ ಇಲ್ಲಿದೆ.

------------------------------

ಬಿಬಿಎ ಮತ್ತು ಎಂಬಿಎ ಶಿಕ್ಷಣವು ಇಂದಿನ ಕಾರ್ಪೊರೇಟ್ ಜಗತ್ತಿನಲ್ಲಿಅತ್ಯಂತ ಬೇಡಿಕೆಯಿರುವ ಕೋರ್ಸ್ ಗಳಾಗಿವೆ. ಈ ಪದವಿಗಳು ಕೇವಲ ಉದ್ಯೋಗವನ್ನಷ್ಟೇ ಅಲ್ಲದೆ, ನಾಯಕತ್ವದ ಗುಣಗಳು ಮತ್ತು ಉದ್ಯಮಶೀಲತೆಯ ಕೌಶಲಗಳನ್ನು ಬೆಳೆಸುತ್ತವೆ.

ವೃತ್ತಿ ಅವಕಾಶ: ಬಿಬಿಎ ಮುಗಿಸಿದ ನಂತರ ಆರಂಭಿಕ ಹಂತದ ಉದ್ಯೋಗಗಳನ್ನು ಪಡೆಯಬಹುದು. ಆದರೆ ಎಂಬಿಎ ಮಾಡಿದರೆ ಉನ್ನತ ಮಟ್ಟದ ವ್ಯವಸ್ಥಾಪಕ ಹುದ್ದೆಗಳು ಲಭ್ಯವಿರುತ್ತವೆ.

ಎಲ್ಲೆಲ್ಲಿಅವಕಾಶ?

ಹಣಕಾಸು ವಲಯ: ಬ್ಯಾಂಕಿಂಗ್ , ಇನ್ವೆಸ್ಟ್ ಮೆಂಟ್ ಬ್ಯಾಂಕಿಂಗ್ , ಫೈನಾನ್ಷಿಯಲ… ಅನಾಲಿಟಿP್ಸ… ಮತ್ತು ಅಕೌಂಟಿಂಗ್ ವಿಭಾಗದಲ್ಲಿಕೆಲಸ ಮಾಡಬಹುದು.

ಮಾರ್ಕೆಟಿಂಗ್ ಮತ್ತು ಸೇಲ್ಸ್ : ಬ್ರಾಂಡ್ ಮ್ಯಾನೇಜರ್ , ಮಾರ್ಕೆಟಿಂಗ್ ರಿಸರ್ಚ್ ಅನಾಲಿಸ್ವ್ ಮತ್ತು ಡಿಜಿಟಲ… ಮಾರ್ಕೆಟಿಂಗ್ ತಜ್ಞರಾಗಿ ಅವಕಾಶಗಳಿವೆ.

ಮಾನವ ಸಂಪನ್ಮೂಲ: ನೇಮಕಾತಿ ಪ್ರಕ್ರಿಯೆ, ಉದ್ಯೋಗಿಗಳ ನಿರ್ವಹಣೆ ಮತ್ತು ಕಂಪನಿಯ ಸಂಸ್ಕೃತಿಯನ್ನು ನಿರ್ವಹಿಸುವ ಎಚ್ ಆರ್ ಮ್ಯಾನೇಜರ್ ಹುದ್ದೆಗಳಲ್ಲಿವಿಫುಲ ಅವಕಾಶಗಳಿವೆ.

ಮಾಹಿತಿ ತಂತ್ರಜ್ಞಾನ: ಐಟಿ ಕಂಪನಿಗಳಲ್ಲಿಪ್ರಾಜೆಕ್ಟ್ ಮ್ಯಾನೇಜರ್ ಅಥವಾ ಬಿಸಿನೆಸ್ ಅನಾಲಿಸ್ಟ್ ಆಗಿ ಕಾರ್ಯ ನಿರ್ವಹಿಸಬಹುದು.

ಉದ್ಯಮಶೀಲತೆ: ಸ್ವಂತ ಉದ್ಯಮ ಅಥವಾ ಸ್ಟಾರ್ಟಪ್ ಪ್ರಾರಂಭಿಸಲು ಬೇಕಾದ ಜ್ಞಾನ ಈ ಕೋರ್ಸ್ ಗಳಿಂದ ಸಿಗುತ್ತದೆ.

ವೇತನ: ಸಂಬಳವು ಓದಿದ ಕಾಲೇಜು, ಕೌಶಲ ಮತ್ತು ಆಯ್ಕೆ ಮಾಡುವ ಕಂಪನಿಯನ್ನು ಅವಲಂಬಿಸಿರುತ್ತದೆ. ಪದವೀಧರರಿಗೆ ಭಾರತದಲ್ಲಿವಾರ್ಷಿಕ ಮೂರರಿಂದ ಆರು ಲಕ್ಷ ವೇತನ ಇರುತ್ತದೆ. ಸ್ನಾತಕೋತ್ತರ ಪದವೀಧರರಿಗೆ ಏಳರಿಂದ 25 ಲಕ್ಷ ರೂ.ವರೆಗೆ ಇರುತ್ತದೆ.

ಐಐಎಂ (ಐಐಋ)ನಂತಹ ಪ್ರತಿಷ್ಠಿತ ಸಂಸ್ಥೆಗಳಲ್ಲಿಎಂಬಿಎ ಮಾಡಿದರೆ ಆರಂಭಿಕ ಸಂಬಳವೇ ವರ್ಷಕ್ಕೆ 20-30ಲಕ್ಷ ರೂ.ಗಿಂತ ಹೆಚ್ಚಿರಬಹುದು. ಅನುಭವ ಹೆಚ್ಚಾದಂತೆ ಸಂಬಳವು ಗಣನೀಯವಾಗಿ ಏರುತ್ತದೆ.

ಬಿಬಿಎ ಮತ್ತು ಎಂಬಿಎ ಮಾಡುವುದರಿಂದ ಆಗುವ ಲಾಭ

ವಿವಿಧ ಕ್ಷೇತ್ರದ ಜನರೊಂದಿಗೆ ಸಂಪರ್ಕ ಸಾಧಿಸಲು ಈ ಕೋರ್ಸ್ ಗಳು ಸಹಕಾರಿ. ಇದರಿಂದ ತಂಡವನ್ನು ಮುನ್ನಡೆಸುವ ಮತ್ತು ನಿರ್ಧಾರ ತೆಗೆದುಕೊಳ್ಳುವ ಸಾಮರ್ಥ್ಯ ಬೆಳೆಯುತ್ತದೆ. ಬಹುರಾಷ್ಟ್ರೀಯ ಕಂಪನಿಗಳಲ್ಲಿಉದ್ಯೋಗ ಪಡೆಯಲು ಸುಲಭವಾಗುತ್ತದೆ.

ಬಾಕ್ಸ್

ಹೀಗೂ ಮಾಡಬಹುದು

ನೀವು ಬಿಬಿಎ ನಂತರ ನೇರವಾಗಿ ಉದ್ಯೋಗಕ್ಕೆ ಸೇರಬಹುದು ಅಥವಾ ಉನ್ನತ ವ್ಯಾಸಂಗಕ್ಕಾಗಿ ಎಂಬಿಎ ಮಾಡಬಹುದು. ಆದರೆ ಎಂಬಿಎ ಮಾಡುವ ಮುನ್ನ 1-2 ವರ್ಷಗಳ ಕೆಲಸದ ಅನುಭವ ಪಡೆದರೆ, ಅದು ಉತ್ತಮ ಕಾಲೇಜುಗಳಲ್ಲಿಪ್ರವೇಶ ಹೊಂದಲು ಮತ್ತು ದೊಡ್ಡ ಮೊತ್ತದ ಸಂಬಳ ಪಡೆಯಲು ಸಹಾಯವಾಗುತ್ತದೆ.