ಬೆಚ್ಚಿದ

ಅಹಮದಾಬಾದ್ : ತಿಲಕ್ ವರ್ಮಾ(101*) ಅವರ ಸ್ಫೋಟಕ ಶತಕ ಹಾಗೂ ಅಶ್ವನಿ ಕುಮಾರ್ (24ಕ್ಕೆ 4) ಅವರ ಮಾರಕ ದಾಳಿಯ ಬಲದಿಂದ ಮುಂಬಯಿ ಇಂಡಿಯನ್ಸ್ ತಂಡ ಐಪಿಎಲ್ 30ನೇ ಪಂದ್ಯದಲ್ಲಿ99 ರನ್ ಗಳಿಂದ ಗುಜರಾತ್ ಟೈಟನ್ಸ್ ತಂಡವನ್ನು ಬಗ್ಗು ಬಡಿಯಿತು.

ಇದರೊಂದಿಗೆ ಸತತ 4 ಸೋಲುಗಳ ನಂತರ ಇಂಡಿಯನ್ಸ್ ಗೆಲುವಿನ ಹಾದಿಗೆ ಮರಳಿದರೆ, ಟೈಟನ್ಸ್ ಹ್ಯಾಟ್ರಿಕ್ ಜಯದ ಬಳಿಕ ಸೋಲು ಅನುಭವಿಸಿತು. ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿಸೋಮವಾರ ನಡೆದ ಪಂದ್ಯದಲ್ಲಿಟಾಸ್ ಸೋತು ಬ್ಯಾಟಿಂಗ್ ಗೆ ಆಹ್ವಾನ ಪಡೆದ 5 ಬಾರಿಯ ಚಾಂಪಿಯನ್ ಮುಂಬಯಿ, 20 ಓವರ್ ಗಳಲ್ಲಿ5 ವಿಕೆಟ್ ಗೆ 199 ರನ್ ಕಲೆಹಾಕಿತು. ಇದಕ್ಕೆ ಪ್ರತಿಯಾಗಿ ಟೈಟನ್ಸ್ 15.5 ಓವರ್ ಗಳಲ್ಲಿ100 ರನ್ ಗಳಿಗೆ ಆಲೌಟಾಯಿತು. ತಂಡದ 7 ಸದಸ್ಯರು ಒಂದಂಕಿಗೆ ಸೀಮಿತರಾಗಿದ್ದು, ಬ್ಯಾಟಿಂಗ್ ವೈಫಲ್ಯಕ್ಕೆ ಸಾಕ್ಷಿ. ಸುದರ್ಶನ್ ಅವರನ್ನು ಔಟ್ ಮಾಡಿದ ಜಸ್ ಪ್ರಿತ್ ಬುಮ್ರಾ, 5 ಪಂದ್ಯಗಳ ನಂತರ ಕೊನೆಗೂ 1 ವಿಕೆಟ್ ಪಡೆದರು.

ಸಂಕ್ಷಿಪ್ತ ಸ್ಕೋರ್

ಗುಜರಾತ್ ಟೈಟನ್ಸ್ : 15.5 ಓವರ್ ಗಳಲ್ಲಿ100 (ವಾಷಿಂಗ್ಟನ್ 26, ಶಾರುಖ್ 17;ಅಶ್ವನಿ 24ಕ್ಕೆ 4, ಸ್ಯಾಂಟ್ನರ್ 16ಕ್ಕೆ 2, ಘಜನ್ ಫರ್ 17ಕ್ಕೆ 2).