ಮಂಗಳೂರು: ಬೋರ್ಡ್ ಪರೀಕ್ಷೆಗಿಂತ ಜೆಇಇ ಪರೀಕ್ಷೆಯೇ ಮೊದಲ ಗುರಿಯಾಗಿತ್ತು. ಪಿಯು ಪರೀಕ್ಷೆ ಬರೆಯುವಾಗಲೇ ಟಾಪರ್ ಬರುವ ನಿರೀಕ್ಷೆ ಇತ್ತು ಎನ್ನುತ್ತಾರೆ ವಿಜ್ಞಾನ ವಿಭಾಗದಲ್ಲಿ599 ಅಂಕ ಗಳಿಸಿ ರಾಜ್ಯಕ್ಕೇ ಟಾಪರ್ ಆಗಿರುವ ಮಂಗಳೂರು ಆಕಾಶಭವನದ ಸಿಎಫ್ ಎಎಲ್ ಪಿಯು ಕಾಲೇಜು ವಿದ್ಯಾರ್ಥಿನಿ ಪ್ರಿನ್ಸಿಲ್ಲಾಕಾರ್ಡೋಜಾ .
ಇವರು ಕೊಡಿಯಾಲ್ ಬೈಲ್ ನಿವಾಸಿ, ಸೌದಿ ಅರೇಬಿಯಾದ ಉದ್ಯೋಗಿ ಬೆನೆಡಿಕ್ಟ್ ಪ್ರಕಾಶ್ ಕಾರ್ಡೋಜಾ ಹಾಗೂ ಜೆಸಿಂತಾ ಕಾರ್ಡೋಜಾ ಅವರ ಪುತ್ರಿ.
ಜೆಇಇ ಪರೀಕ್ಷೆಯಲ್ಲಿಉತ್ತಮ ಅಂಕಗಳನ್ನು ಪಡೆಯುವ ಮೂಲಕ ಸುರತ್ಕಲ್ ಎನ್ ಐಟಿಕೆಗೆ ಹೋಗಬೇಕು ಎಂಬ ನಿರ್ಧಾರ ಕೈಗೊಂಡಿದ್ದಾರೆ. ಈ ಹಿಂದೆ ಸಿಬಿಎಸ್ ಇಯಲ್ಲಿಶೇ.97.6 ಅಂಕಗಳೊಂದಿಗೆ ಉತ್ತಮ ಅಂಕಗಳನ್ನು ಪಡೆದುಕೊಂಡಿದ್ದರು.
ಫೊಟೋ: 9ಎಂ-ಪ್ರಿನ್ಸಿಲ್ಲಾಕಾರ್ಡೋಜಾ
