ಬಿಟ್

ದೇಹಕ್ಕೆ ನೀರಿನ ಅಗತ್ಯಸೂಚಿಸುವ 8 ಸಂಕೇತಗಳು

ಬೇಸಿಗೆಯ ಧಗೆ ಏರುತ್ತಿದೆ. ಅದಕ್ಕೆ ಪೂರಕವಾಗಿ ನಿರ್ಜಲೀಕರಣದ ಸಮಸ್ಯೆಯೂ ಹೆಚ್ಚುತ್ತದೆ. ಆದರೆ ಎಷ್ಟೋ ಸಲ ಅದು ನಮ್ಮ ಗಮನಕ್ಕೆ ಬರುವುದೇ ಇಲ್ಲ. ಸಾಮಾನ್ಯವಾಗಿ ನಮಗೆ ಬಾಯಾರಿಕೆಯಾದಾಗ ಮಾತ್ರ ನೀರು ಕುಡಿಯುತ್ತೇವೆ. ಆದರೆ ನಮ್ಮ ದೇಹವು ನೀರು ಕಡಿಮೆಯಾದಾಗ ಬೇರೆ ಬೇರೆ ರೀತಿಯಲ್ಲಿಸಂಕೇತಗಳನ್ನು ನೀಡುತ್ತದೆ. ಅವುಗಳ ಬಗ್ಗೆ ವಿವರ ಇಲ್ಲಿದೆ.

1. ಬಾಯಿ ಒಣಗುವುದು: ಬಾಯಿ ಮತ್ತು ನಾಲಿಗೆ ಅಂಟಂಟಾದಂತಾಗುವುದು ದೇಹದಲ್ಲಿನೀರಿನಂಶ ಕಡಿಮೆಯಾಗಿದೆ ಎಂಬುದಕ್ಕೆ ಮೊದಲ ಸೂಚನೆ.

2. ತಲೆನೋವು ಮತ್ತು ತಲೆಸುತ್ತು: ಮಿದುಳಿಗೆ ರಕ್ತದ ಮೂಲಕ ಹೋಗುವ ಆಮ್ಲಜನಕ ಮತ್ತು ನೀರಿನ ಪ್ರಮಾಣ ಕಡಿಮೆಯಾದಾಗ ನಿರಂತರ ತಲೆನೋವು ಅಥವಾ ಆಯಾಸ ಕಾಣಿಸಿಕೊಳ್ಳಬಹುದು.

3. ಮೂತ್ರದ ಬಣ್ಣದಲ್ಲಿಬದಲಾವಣೆ: ನಿಮ್ಮ ಮೂತ್ರವು ಕಡು ಹಳದಿ ಬಣ್ಣದಲ್ಲಿದ್ದರೆ ನೀವು ತಕ್ಷಣ ನೀರು ಕುಡಿಯಬೇಕು ಎಂದರ್ಥ. ತಿಳಿ ಬಣ್ಣದ ಮೂತ್ರವು ಉತ್ತಮ ಆರೋಗ್ಯದ ಸಂಕೇತ.

4. ಚರ್ಮದ ಶುಷ್ಕತೆ: ಚರ್ಮವು ತನ್ನ ಹೊಳಪನ್ನು ಕಳೆದುಕೊಂಡು ಒಣಗಿದಂತಾಗುವುದು ಅಥವಾ ತುರಿಕೆ ಕಾಣಿಸಿಕೊಳ್ಳುವುದು ನೀರಿನ ಕೊರತೆಯಿಂದ ಆಗಿರಬಹುದು.

5. ಸ್ನಾಯು ಸೆಳೆತ: ದೇಹದಲ್ಲಿಎಲೆಕ್ಟ್ರೋಲೈಟ್ ಸಮತೋಲನ ತಪ್ಪಿದಾಗ, ವಿಶೇಷವಾಗಿ ವ್ಯಾಯಾಮ ಮಾಡುವಾಗ ಸ್ನಾಯುಗಳು ಬೇಗನೆ ಸೆಳೆತಕ್ಕೆ ಒಳಗಾಗುತ್ತವೆ.

6. ಹಸಿವಿನ ಭಾಸ: ಕೆಲವೊಮ್ಮೆ ದೇಹಕ್ಕೆ ನೀರಿನ ದಾಹವಾದಾಗ ಅದು ಹಸಿವಿನ ರೂಪದಲ್ಲಿನಮಗೆ ತಿಳಿಸುತ್ತದೆ. ಊಟ ಮಾಡಿದ ತಕ್ಷಣ ಮತ್ತೆ ಹಸಿವಾದರೆ ಮೊದಲು ನೀರು ಕುಡಿದು ನೋಡಿ.

7. ಏಕಾಗ್ರತೆಯ ಕೊರತೆ ಮತ್ತು ಆಯಾಸ: ಏನನ್ನೂ ಮಾಡಲು ಆಸಕ್ತಿ ಇಲ್ಲದಿರುವುದು ಅಥವಾ ಮಿದುಳು ಮಂದವಾದಂತಾಗುವುದು ಕೂಡ ನಿರ್ಜಲೀಕರಣದ ಲಕ್ಷಣ.

8.ಜೀರ್ಣಕ್ರಿಯೆಯಲ್ಲಿಸಮಸ್ಯೆ: ಜೀರ್ಣಾಂಗವ್ಯೂಹವು ಸುಗಮವಾಗಿ ಕಾರ್ಯನಿರ್ವಹಿಸಲು ನೀರು ಅತ್ಯಗತ್ಯ. ನೀರಿನ ಕೊರತೆಯಿಂದ ಹೊಟ್ಟೆಯ ಸಮಸ್ಯೆಗಳು ಉಂಟಾಗಬಹುದು.