ಇರಾನ್ ಪರಮೋಚ್ಚ ನಾಯಕ ಅಯತೊಲ್ಲಾಅಲಿ ಖಮೇನಿ ಹತ್ಯೆಯ ಸುದ್ದಿಯನ್ನು ಸರಕಾರಿ ಸ್ವಾಮ್ಯದ ಸುದ್ದಿವಾಹಿನಿಯಲ್ಲಿಲೈವ್ ಮಾಡುತ್ತಿದ್ದ ವೇಳೆ ನಿರೂಪಕ ಬಿಕ್ಕಿಬಿಕ್ಕಿ ಅತ್ತ ಘಟನೆ ನಡೆದಿದೆ. ಇದರ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿಹರಿದಾಡಿದೆ. ಅಮೆರಿಕ-ಇಸ್ರೇಲ್ ನಡೆಸಿದ ಜಂಟಿ ವೈಮಾನಿಕ ದಾಳಿಯಲ್ಲಿಖಮೇನಿ ಹತ್ಯೆಗೀಡಾಗಿದ್ದಾರೆ ಎಂದು ಹೇಳುವಾಗ ನಿರೂಪಕ ಸಂಯಮ ಕಾಯ್ದುಕೊಳ್ಳಲು ಸಾಧ್ಯವಾಗದೇ ಕಣ್ಣೀರು ಹಾಕಿರುವುದು ವಿಡಿಯೊದಲ್ಲಿದಾಖಲಾಗಿದೆ. ಖಮೇನಿ ‘ಹುತಾತ್ಮ’ರಾಗಿದ್ದಾರೆ ಎಂದೂ ಅವರು ಘೋಷಿಸಿದರು.
ಸೇಡು ತೀರಿಸಿಕೊಳ್ಳುತ್ತೇವೆ: ಖಮೇನಿ ಸಾವಿನ ಬಗ್ಗೆ ವರದಿ ಮಾಡುವ ವೇಳೆ ಪ್ರೆಸ್ ಟಿವಿ ನಿರೂಪಕಿ ಮರಿಯಮ್ ಅಜರ್ಚೆರ್ ಕೂಡ ದುಃಖಿತರಾಗಿದ್ದರು. ‘‘ಈ ಯುದ್ಧ ಇಲ್ಲಿಗೆ ಮುಗಿದಿಲ್ಲ. ಖಮೇನಿ ಸಾವಿಗೆ ಅಮೆರಿಕ ಅಧ್ಯಕ್ಷ ಟ್ರಂಪ್ ಭಾರಿ ಬೆಲೆ ತೆರೆಬೇಕಾಗುತ್ತದೆ. ಈ ಸಾವಿನ ಸೇಡನ್ನು ಇರಾನ್ ತೀರಿಸಿಕೊಳ್ಳಲಿದೆ,’’ ಎಂದೂ ಅವರು ಹೇಳಿದರು.
