ಕೊಲ್ಲೂರು ದೇವಳದಲ್ಲಿವರಾಹ ಮಿಹಿರನ್

ಉಡುಪಿ: ಕೇರಳ ಪಾಲಕ್ಕಾಡ್ ಚೇತಲ್ಲೂರಿನ ಜ್ಯೋತಿಷ ಕಲಾಲಯಂ ವತಿಯಿಂದ ಖಗೋಳಶಾಸ್ತ್ರಜ್ಞ ಮತ್ತು ಜ್ಯೋತಿಷಿ ವರಾಹ ಮಿಹಿರನ್ ಅವರು ರಚಿಸಿದ ಜನ ಮೆಚ್ಚುಗೆ ಪಡೆದ ಕಥಕ್ಕಳಿ ಕಾರ್ಯಕ್ರಮ ‘ವರಾಹ ಮಿಹಿರನ್ ’ ಪ್ರದರ್ಶನ ಜೂ. 10ರಂದು ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಸ್ಥಾನದ ಆವರಣದಲ್ಲಿರುವ ಸ್ವರ್ಣಮುಖಿ ರಂಗ ಮಂದಿರದಲ್ಲಿನಡೆಯಲಿದೆ.

ಪ್ರದರ್ಶನ ಸಂಜೆ 3ಕ್ಕೆ ಪ್ರಾರಂಭವಾಗಿ ಸಂಜೆ 6 ಗಂಟೆಗೆ ಮುಕ್ತಾಯಗೊಳ್ಳುತ್ತದೆ. ಕೇರಳದ ಪ್ರಸಿದ್ಧ ಕಥಕ್ಕಳಿ ಕಲಾವಿದರು ಈ ಮೇರುಕೃತಿಯನ್ನು ವೇದಿಕೆಯಲ್ಲಿಪ್ರದರ್ಶನ ಮಾಡಲಿದ್ದಾರೆ. ಈ ನಾಟಕದ ಚಿತ್ರಕಥೆಯನ್ನು ವಾಮನನ್ ನಂಬೂದಿರಿ ಬರೆದಿದ್ದು, ಕಲಾಮಂಡಲಂ ಕೇಶವನ್ ನಂಬೂದಿರಿ ನಿರ್ದೇಶಿಸಿದ್ದಾರೆ.

ಕಥಕ್ಕಳಿಯ ಕಥಾಹಂದರ:

‘ವರಾಹ ಮಿಹಿರನ್ ’ ಕಥಕ್ಕಳಿಯ ಮೂಲ ನಿರೂಪಣೆಯು ಆಚಾರ್ಯ ವರಾಹಮಿಹಿರರು ಮಾಡಿದ ಅಸಾಧಾರಣ ಮತ್ತು ವಿಸ್ಮಯಕಾರಿ ಜ್ಯೋತಿಷ ಭವಿಷ್ಯವಾಣಿಯ ಹೆಣೆದ ಕಥೆಯಾಗಿದೆ. ಈ ಕಥಾವಸ್ತುವು ಉಜ್ಜಯಿನಿಯ ಚಕ್ರವರ್ತಿ ವಿಕ್ರಮಾದಿತ್ಯನ ಮಗನಾದ ಯುವ ರಾಜಕುಮಾರನ ಜನ್ಮ ಜಾತಕ ಲೆಕ್ಕಾಚಾರಗಳು ಮತ್ತು ಭವಿಷ್ಯಕ್ಕೆ ನೇರವಾಗಿ ಸಂಬಂಧಿಸಿದೆ.

ಈ ಪ್ರದರ್ಶನದ ಸಮಗ್ರ ಪರಿಕಲ್ಪನೆ, ನಿರ್ಮಾಣ ವಿನ್ಯಾಸ ಮತ್ತು ನಿರೂಪಣಾ ಸಂಕಲನ ಹಾಗೂ ನಿರ್ದೇಶನ ವಿಜಯಕುಮಾರ್ ಗುಪ್ತನ್ ಅವರದ್ದು.