ಹಿಸ್ಟರಿ ಮೆಲುಕು ನವೆಂಬರ್ 3

Contributed by: dheeraj.d@timesofindia.com|Vijaya Karnataka•
indias most famous newspaper the times of india
ಟೈಮ್ಸ್ ಆಫ್ ಇಂಡಿಯಾ

ನವೆಂಬರ್ 3, 1838
1838ರ ನವೆಂಬರ್ 3ರಂದು ಮುಂಬಯಿ ನಗರದಲ್ಲಿ‘ದಿ ಬಾಂಬೆ ಟೈಮ್ಸ… ಅಂಡ್ ಜರ್ನಲ್ ಆಫ್ ಕಾಮರ್ಸ್ ’ ಎಂಬ ಹೆಸರಿನಲ್ಲಿಪತ್ರಿಕೆಯೊಂದು ತನ್ನ ಮೊದಲ ಆವೃತ್ತಿಯನ್ನು ಹೊರತಂದಿತು. ಈ ಪತ್ರಿಕೆಯೇ ಕಾಲಕ್ರಮೇಣ ಭಾರತದ ಅತ್ಯಂತ ಪ್ರಸಿದ್ಧ ಹಾಗೂ ಬೃಹತ್ ಇಂಗ್ಲಿಷ್ ದಿನಪತ್ರಿಕೆಯಾದ ‘ದಿ ಟೈಮ್ಸ… ಆಫ್ ಇಂಡಿಯಾ’ ಆಗಿ ರೂಪಾಂತರಗೊಂಡಿತು.

ಆರಂಭದಲ್ಲಿಈ ಪತ್ರಿಕೆಯು ವಾರಕ್ಕೆ ಎರಡು ಬಾರಿ ಅಂದರೆ ಬುಧವಾರ ಮತ್ತು ಶನಿವಾರ ಮಾತ್ರ ಪ್ರಕಟವಾಗುತ್ತಿತ್ತು. ಮುಂಬಯಿಯ ಉದ್ಯಮಿಗಳು, ವ್ಯಾಪಾರಿಗಳು ಮತ್ತು ಬ್ರಿಟಿಷ್ ಅಧಿಕಾರಿಗಳನ್ನು ಗಮನದಲ್ಲಿಟ್ಟುಕೊಂಡು ಇದನ್ನು ಪ್ರಾರಂಭಿಸಲಾಯಿತು. ಮುಂಬಯಿ ಮತ್ತು ಯೂರೋಪ್ ನಡುವಿನ ವಾಣಿಜ್ಯ ಸುದ್ದಿಗಳು, ಹಡಗುಗಳ ಸಂಚಾರದ ಮಾಹಿತಿ ಹಾಗೂ ಪ್ರಮುಖ ರಾಜಕೀಯ ವರದಿಗಳನ್ನು ಜನರಿಗೆ ತಲುಪಿಸುವುದು ಇದರ ಮುಖ್ಯ ಉದ್ದೇಶವಾಗಿತ್ತು. ಪತ್ರಿಕೆಯ ಉದ್ಘಾಟನಾ ಆವೃತ್ತಿಯನ್ನು ಮಹಾರಾಷ್ಟ್ರದ ಪ್ರಮುಖ ಸುಧಾರಕರಾಗಿದ್ದ ಬಾಲಶಾಸ್ತ್ರಿ ಜಾಂಭೇಕರ್ ಅವರ ಆಡಳಿತದಲ್ಲಿದ್ದ ಅಚ್ಚುಕೂಟದಲ್ಲಿಮುದ್ರಿಸಲಾಯಿತು.

1850ರ ಹೊತ್ತಿಗೆ ಈ ಪತ್ರಿಕೆಯ ಜನಪ್ರಿಯತೆ ಹೆಚ್ಚಾಯಿತು. ಪರಿಣಾಮವಾಗಿ ಇದನ್ನು ವಾರಪತ್ರಿಕೆಯಿಂದ ದಿನಪತ್ರಿಕೆಯಾಗಿ ಪರಿವರ್ತಿಸಲಾಯಿತು. ನಂತರ 1861ರಲ್ಲಿಈ ಪತ್ರಿಕೆಯನ್ನು ‘ದಿ ಟೈಮ್ಸ… ಆಫ್ ಇಂಡಿಯಾ’ ಎಂದು ಮರುನಾಮಕರಣ ಮಾಡಲಾಯಿತು. ಇಂಗ್ಲೆಂಡ್ ನ ‘ದಿ ಟೈಮ್ಸ…’ ಪತ್ರಿಕೆಯಂತೆಯೇ ಭಾರತದಲ್ಲೂಸ್ವತಂತ್ರ ಹಾಗೂ ವಿಸ್ತೃತ ಸುದ್ದಿಗಳನ್ನು ನೀಡುವ ಮಾಧ್ಯಮವಾಗಿ ಇದು ಬೆಳೆಯಿತು. ಜಗತ್ತಿನಾದ್ಯಂತ ನಡೆಯುವ ಪ್ರಮುಖ ಘಟನೆಗಳು ಮತ್ತು ಭಾರತದ ಸ್ಥಳೀಯ ವಿಷಯಗಳನ್ನು ಸಮಗ್ರವಾಗಿ ತಲುಪಿಸುವಲ್ಲಿಪತ್ರಿಕೆ ಯಶಸ್ವಿಯಾಯಿತು.

ಭಾರತದ ಸ್ವಾತಂತ್ರ್ಯ ಸಂಗ್ರಾಮದ ಸಮಯದಲ್ಲಿಮತ್ತು ಸ್ವಾತಂತ್ರ್ಯಾನಂತರದ ಭಾರತದ ನಿರ್ಮಾಣದಲ್ಲಿಈ ಪತ್ರಿಕೆಯು ಪ್ರಮುಖ ಸಾಕ್ಷಿಯಾಗಿ ನಿಂತಿದೆ. ಬ್ರಿಟಿಷ್ ಆಡಳಿತಾವಧಿಯಲ್ಲಿಭಾರತದಲ್ಲಿಇಂಗ್ಲಿಷ್ ಮಾಧ್ಯಮ ರಂಗದ ಬೆಳವಣಿಗೆಗೆ ಇದು ಬಲವಾದ ಅಡಿಪಾಯ ಹಾಕಿತು. ಇಂದು ‘ದಿ ಟೈಮ್ಸ… ಆಫ್ ಇಂಡಿಯಾ’ ವಿಶ್ವದಲ್ಲೇ ಅತಿ ಹೆಚ್ಚು ಪ್ರಸಾರವಿರುವ ಇಂಗ್ಲಿಷ್ ದಿನಪತ್ರಿಕೆಗಳಲ್ಲಿಒಂದಾಗಿ ಬೆಳೆದು ನಿಂತಿದೆ.