ಪತ್ರಕರ್ತರಿಗೆ ಹೆಚ್ಚಿನ ಸೌಲಭ್ಯ ಕಲ್ಪಿಸಿ
Contributed by: purnima.muni@gmail.com|Vijaya Karnataka•
((ಸಚಿವ ಕೆ.ಎಚ್ . ಮುನಿಯಪ್ಪಗೆ ಮನವಿ))ವಿಕ ಸುದ್ದಿಲೋಕ ವಿಜಯಪುರ
ನಾನಾ ಬೇಡಿಕೆ ಈಡೇರಿಸುವಂತೆ ಕಾರ್ಯನಿರತ ಪತ್ರಕರ್ತರ ಸಂಘದ ತಾಲೂಕು ಘಟಕ ವತಿಯಿಂದ ಸಮಾಜ ಕಲ್ಯಾಣ ಸಚಿವ ಕೆ.ಎಚ್ . ಮುನಿಯಪ್ಪ ಅವರಿಗೆ ಮನವಿ ಸಲ್ಲಿಸಲಾಯಿತು.
ಸಂಘದ ತಾಲೂಕು ಅಧ್ಯಕ್ಷ ಸಿ.ಶ್ರೀನಿವಾಸ್ ಮಾತನಾಡಿ, ಪತ್ರಕರ್ತರ ಏಳಿಗೆಗಾಗಿ ಸರಕಾರದಿಂದ ಹೆಚ್ಚಿನ ಸೌಲಭ್ಯಒದಗಿಸಬೇಕು. ಪ್ರಸ್ತುತ ಪತ್ರಕರ್ತರಿಗೆ ನೀಡುತ್ತಿರುವ ಉಚಿತ ಬಸ್ ಪಾಸ್ ಸೌಲಭ್ಯವನ್ನು ಜಿಲ್ಲೆಗೆ ಮಾತ್ರ ಸೀಮಿತ ಮಾಡದೇ ರಾಜ್ಯಾದ್ಯಂತ ವಿಸ್ತರಿಸಬೇಕು. ವೃತ್ತಿ ನಿಮಿತ್ತ ನಿರಂತರ ಪ್ರಯಾಣ ಮಾಡುವ ಪತ್ರಕರ್ತರಿಗೆ ಟೋಲ್ ಗಳಲ್ಲಿಉಚಿತ ಪ್ರಯಾಣಕ್ಕೆ ಅವಕಾಶ ಕಲ್ಪಿಸಬೇಕು ಎಂದು ಒತ್ತಾಯಿಸಿದರು.
ಗ್ರಾಮೀಣ ಭಾಗದಲ್ಲಿಕಾರ್ಯನಿರ್ವಹಿಸುತ್ತಿರುವ ಪತ್ರಕರ್ತರು ಹಲವು ಸಂಕಷ್ಟಗಳನ್ನು ಎದುರಿಸುತ್ತಿದ್ದಾರೆ. ಅವರ ಕುಟುಂಬಗಳಿಗೆ ಆರ್ಥಿಕ ನೆರವು ನೀಡಬೇಕು. ವಸತಿ ಸೌಲಭ್ಯಕ್ಕಾಗಿ ನಿವೇಶನಗಳನ್ನು ಹಂಚಿಕೆ ಮಾಡಬೇಕು. ಗ್ರಾಮೀಣ ಭಾಗದ ಪತ್ರಿಕೆಗಳಿಗೆ ಸರಕಾರದಿಂದ ಹೆಚ್ಚಿನ ಪ್ರಮಾಣದಲ್ಲಿಜಾಹೀರಾತು ಸಿಗುವಂತೆ ಕ್ರಮ ಕೈಗೊಳ್ಳಬೇಕು ಎಂದು ಮನವಿ ಮಾಡಿದರು.
ಮನವಿಗೆ ಸ್ಪಂದಿಸಿದ ಸಚಿವ ಕೆ.ಎಚ್ . ಮುನಿಯಪ್ಪ, ಪತ್ರಕರ್ತರ ಬೇಡಿಕೆಗಳನ್ನು ಪರಿಶೀಲಿಸಿ ಮುಖ್ಯಮಂತ್ರಿಗಳ ಗಮನಕ್ಕೆ ತಂದು ಸೂಕ್ತ ಕ್ರಮ ಕೈಗೊಳ್ಳುವ ಭರವಸೆ ನೀಡಿದರು.
ಸಂಘದ ಪ್ರಧಾನ ಕಾರ್ಯದರ್ಶಿ ಎ.ಮಧು, ಪತ್ರಕರ್ತರಾದ ಕೆ.ಎಂ.ದೇವರಾಜ್ , ಜೆ.ಆರ್ .ಮುನಿವೀರಣ್ಣ, ಮುನಿವೆಂಕಟರಮಣಪ್ಪ, ಮುಖಂಡ ಭಾನುಚಂದ್ರ, ಮಹೇಶ್ , ಮತ್ತಿತರರು ಹಾಜರಿದ್ದರು.
10.ವಿಜಯಪುರ.01: ದೇವನಹಳ್ಳಿ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಸಿ.ಶ್ರೀನಿವಾಸ್ ನೇತೃತ್ವದಲ್ಲಿಸಮಾಜ ಕಲ್ಯಾಣ ಸಚಿವ ಕೆ.ಎಚ್ .ಮುನಿಯಪ್ಪ ಅವರಿಗೆ ಮನವಿ ಸಲ್ಲಿಸಲಾಯಿತು.
ಓದಲೇ ಬೇಕಾದ ಸುದ್ದಿ
ವಿಶ್ವದಲ್ಲೇ ಏಕತೆ ಹೊಂದಿದ ದೇಶ ಭಾರತ
ಅ.23ರಂದು ವಿಶೇಷ ಸಾಂದರ್ಭಿಕ ರಜೆ
ರಾಯಚೂರು- ದಸರೆ ಖರೀದಿ ಭರಾಟೆ ಜೋರು
24ರಿಂದ ಜಿಲ್ಲಾಗಮಕ ಸಮ್ಮೇಳನ
ಸಾಂಪ್ರದಾಯಿಕ ಆಚರಣೆ ಯುವ ಪೀಳಿಗೆಗೆ ದಾರಿ ದೀಪ
ಮಹಿಳಾ ಸಂಘದಲ್ಲಿಶಾರದ ಪೂಜೆ
ಸಹಕಾರ ಕ್ಷೇತ್ರದ ಬದಲಾವಣೆಗಳ ಬಗ್ಗೆ ತರಬೇತಿ ಅಗತ್ಯ
19 ಲಿಂಬಿಕಾಯಿ
ಕೆಇಬಿ ಕಾಮಗಾರಿ ವೇಳೆ ಅನುಮತಿಯಿಲ್ಲದೆ ಸ್ಫೋಟ
ಇಳುವರಿ ಕುಸಿತ, ನಿಂಬೆ ಬೆಲೆ ಜಿಗಿತ (ಹೆಡ್ )