ಕೃಷ್ಣಾ ಸಕ್ಕರೆ ಕಾರ್ಖಾನೆಯಿಂದ 7ಲಕ್ಷ ಟನ್ ಕಬ್ಬು ನುರಿಸುವ ಗುರಿ

Contributed by: s.aparaj7978@gmail.com|Vijaya Karnataka•
7
ವಿಕ ಸುದ್ದಿಲೋಕ ಅಥಣಿ

ಪ್ರಸಕ್ತ ಹಂಗಾಮಿನಲ್ಲಿಸಂಕೋನಟ್ಟಿಯ ಕೃಷ್ಣಾ ಸಹಕಾರಿ ಸಕ್ಕರೆ ಕಾರ್ಖಾನೆ ಪೂರ್ಣ ಸಾಮರ್ಥ್ಯದಲ್ಲಿಕಾರ್ಯನಿರ್ವಹಿಸುವಂತೆ ಕ್ರಮ ಕೈಗೊಳ್ಳಲಾಗಿದ್ದು, 7ಲಕ್ಷ ಟನ್ ಕಬ್ಬು ನುರಿಸುವ ಗುರಿ ಹೊಂದಲಾಗಿದೆ ಎಂದು ಅಧ್ಯಕ್ಷ ಪರಪ್ಪ ಸವದಿ ವಿಶ್ವಾಸ ವ್ಯಕ್ತಪಡಿಸಿದರು.
ಕಾರ್ಖಾನೆ ಆವರಣದಲ್ಲಿಸೋಮವಾರ ಜರುಗಿದ 2026-27ನೇ ಸಾಲಿನ ಸರ್ವಸಾಧಾರಣ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. ‘‘ಕಳೆದ ಹಂಗಾಮಿನಲ್ಲಿಕಾರ್ಖಾನೆಯಲ್ಲಿ6ರಿಂದ 7 ಲಕ್ಷ ಟನ್ ಕಬ್ಬು ನುರಿಸುವ ಗುರಿ ಹೊಂದಲಾಗಿತ್ತು. ಆದರೆ ನಿರೀಕ್ಷಿತ ಪ್ರಮಾಣದಲ್ಲಿಕಬ್ಬು ಲಭ್ಯವಾಗದೆ ಸುಮಾರು 5 ಲಕ್ಷ ಟನ್ ನಷ್ಟು ಕಬ್ಬು ಮಾತ್ರ ನುರಿಸಲು ಸಾಧ್ಯವಾಯಿತು. ಇದರಿಂದ ಕಾರ್ಖಾನೆಗೆ ನಷ್ಟವಾಗಿದೆ. 11.5 ರಿಕವರಿ ನೀಡುವ ಗುಣಮಟ್ಟದ ಕಬ್ಬನ್ನು ರೈತರು ಕಾರ್ಖಾನೆಗೆ ಪೂರೈಸಿದಲ್ಲಿಸಕ್ಕರೆ ಇಳುವರಿ ಹೆಚ್ಚಳವಾಗುವುದರೊಂದಿಗೆ ಕಾರ್ಖಾನೆಯ ಆರ್ಥಿಕ ಸ್ಥಿತಿಗೂ ಬಲ ಬರಲಿದೆ,’’ ಎಂದು ಅವರು ಹೇಳಿದರು.

‘‘ರೈತರ ಹಿತಾಸಕ್ತಿಯೇ ಕಾರ್ಖಾನೆಯ ಪ್ರಮುಖ ಆದ್ಯತೆಯಾಗಿದ್ದು, ರೈತರು ಮತ್ತು ಕಾರ್ಖಾನೆ ಪರಸ್ಪರ ಸಹಕಾರದಿಂದ ಮುನ್ನಡೆಯಬೇಕು. ಕಬ್ಬು ಪೂರೈಸಿದ ರೈತರಿಗೆ ಹಣ ಪಾವತಿಯಲ್ಲಿವಿಳಂಬವಾಗದಂತೆ ಸರಬರಾಜು ಮಾಡಿದ 15 ದಿನಗಳೊಳಗಾಗಿ ಬಿಲ್ ಪಾವತಿಸುವ ವ್ಯವಸ್ಥೆ ಮಾಡಲಾಗಿದೆ,’’ ಎಂದು ಅವರು ತಿಳಿಸಿದರು.

ಕಾರ್ಖಾನೆ ಉಪಾಧ್ಯಕ್ಷ ಶಂಕರ ವಾಘಮೋಡೆ, ನಿರ್ದೇಶಕರಾದ ಗುರುಬಸು ತೇವರಮನಿ, ಶಾಂತಿನಾಥ ನಂದೇಶ್ವರ, ಘೋಳಪ್ಪ ಜತ್ತಿ, ಸೌರಭ ಪಾಟೀಲ, ಸಿದ್ರಾಯ ನಾಯಿಕ, ಪ್ರಲ್ಹಾದ ಪಾಟೀಲ, ದಯಾ ಕುಲಕರ್ಣಿ, ಸುನಂದಾ ನಾಯಿಕ, ಮಲ್ಲಿಕಾರ್ಜುನ ಗೋಟಖಿಂಡಿ, ರಮೇಶ ಪಟ್ಟಣ, ಹನುಮಂತ ಜಗದೇವ, ಪಾಟೀಲ, ವಿಶ್ವನಾಥ ಪಾಟೀಲ, ವ್ಯವಸ್ಥಾಪಕ ನಿರ್ದೇಶಕ ಜಿ.ಎಂ. ಪಾಟೀಲ, ಮುಖಂಡರಾದ ಚಿದಾನಂದ ಸವದಿ, ಮಲ್ಲೇಶ ಸವದಿ, ಶಿವಕುಮಾರ ಸವದಿ, ಸಿಬ್ಬಂದಿ ಸುರೇಶ ಠಕ್ಕಣ್ಣವರ, ಶಂಕರ ಗೋಟಖಿಂಡಿ, ವಿನಾಯಕ ಮನಗೂಳಿ, ಎಚ್ .ಡಿ.ಧರಿಗೌಡ, ಸಿ.ಎಸ್ .ಪಾಟೀಲ, ಎಲ್ .ಆರ್ .ಮರಿಗೌಡ, ಡಿ.ಬಿ.ದೇಸಾಯಿ ಮತ್ತಿತರರಿದ್ದರು.

- 21ಅಥಣಿ01

ಕೃಷ್ಣಾ ಸಹಕಾರಿ ಸಕ್ಕರೆ ಕಾರ್ಖಾನೆಯ 2026-27ನೇ ಸಾಲಿನ ಸರ್ವಸಾಧಾರಣ ಸಭೆಯಲ್ಲಿಅಧ್ಯಕ್ಷ ಪರಪ್ಪ ಸವದಿ ಮಾತನಾಡಿದರು.

ಓದಲೇ ಬೇಕಾದ ಸುದ್ದಿ