ಹಾಕಿ: ಭಾರತ- ಪಾಕಿಸ್ತಾನ ಪಂದ್ಯ ಡ್ರಾ

ಜೋಹಾರ್ ಬಹ್ರು (ಮಲೇಷ್ಯಾ): ಭಾರತ ಜೂನಿಯರ್ ಪುರುಷರ ಹಾಕಿ ತಂಡವು ಇಲ್ಲಿನಡೆಯುತ್ತಿರುವ ಸುಲ್ತಾನ್ ಆಫ್ ಜೋಹಾರ್ ಕಪ್ ಹಾಕಿ ಟೂರ್ನಿಯಲ್ಲಿಪಾಕಿಸ್ತಾನ ವಿರುದ್ಧ ರೋಚಕ ಡ್ರಾ ಸಾಧಿಸಿದೆ. ಮಂಗಳವಾರ ನಡೆದ ತನ್ನ ಮೂರನೇ ಹಾಗೂ ಹೈವೋಲ್ಟೇಜ್ ಹಣಾಹಣಿಯಲ್ಲಿಭಾರತ 3-3 ಗೋಲ್ ಗಳಿಂದ ಡ್ರಾ ಸಾಧಿಸಿ ಅಂಕ ಹಂಚಿಕೊಂಡಿತು. ಭಾರತದ ಪರ ಅರೈಜೀತ್ ಸಿಂಗ್ (43ನೇ ನಿ.), ಸೌರಭ್ ಆನಂದ್ (47ನೇ ನಿ.) ಮತ್ತು ಮನ್ ಮೀತ್ (53ನೇ ನಿ.) ಗೋಲ್ ದಾಖಲಿಸಿದರು. ಶತ್ರುತ್ವ ಮರೆತ ಇತ್ತಂಡಗಳು: ಪಂದ್ಯ ಡ್ರಾ ಬಳಿಕ ಉಭಯ ತಂಡಗಳು ಆಟಗಾರರು ಹೈ -ಪೈ ಹಾಗೂ ಶೇಕ್ ಹ್ಯಾಂಡ್ ಮೂಲಕ ಹಿಂದಿನ ಶತ್ರುತ್ವವನ್ನು ಮರೆತು ಕ್ರೀಡಾ ಸ್ಫೂರ್ತಿ ಮೆರೆದರು. ಇತ್ತೀಚೆಗೆ ಪಹಲ್ಗಾಮ್ ದಾಳಿಯ ಹಿನ್ನೆಲೆಯಲ್ಲಿಏಷ್ಯಾ ಕಪ್ ಮತ್ತು ಮಹಿಳಾ ಏಕದಿನ ವಿಶ್ವಕಪ್ ನಲ್ಲಿಪಾಕ್ ಆಟಗಾರರೊಂದಿಗೆ ಹಸ್ತಲಾಘವ ಮಾಡಲು ಭಾರತೀಯರು ನಿರಾಕರಿಸಿದ್ದರು.