ಸರಕಾರಿ ಶಾಲೆಯಲ್ಲಿಗ್ರಂಥಾಲಯ

ವಿಕ ಸುದ್ದಿಲೋಕ ಅಜ್ಜಂಪುರ ಪಟ್ಟಣಕ್ಕೆ ಸಮೀಪದ ಕಣಬಗಟ್ಟೆಯ ಸರ ಕಾರಿ ಪ್ರಾಥಮಿಕ ಶಾಲೆಯಲ್ಲಿಚೆಸ್ ಸಂಸ್ಥೆ ಹಾಗೂ ಚಿರನೂತನ ಸಂಸ್ಥೆ ವತಿಯಿಂದ ಪ್ರಥಮ್ ಬುಕ್ಸ್ ಸಹಕಾರದಲ್ಲಿ1ರಿಂದ 7ನೇ ತರಗತಿಯ ವಿದ್ಯಾರ್ಥಿಗಳಿಗೆ ಗ್ರಂಥಾಲಯ ಪ್ರಾರಂಭಿಸಲಾಯಿತು. ಇದರ ಸೌಲಭ್ಯವನ್ನು 50ಕ್ಕೂ ಹೆಚ್ಚು ಮಕ್ಕಳು ಪಡೆಯಲಿದ್ದು, ಮಕ್ಕಳ ಪ್ರಾಯೋಗಿಕ ಕಲಿಕೆ, ಅಭ್ಯಾಸ ಮತ್ತು ವೈಜ್ಞಾನಿಕ ಮನೋಭಾವವನ್ನು ಅಭಿವೃದ್ಧ್ಧಿಪಡಿಸಲು ಪುಸ್ತಕಗಳು ಸಹಾಯಕವಾಗಲಿವೆ. ಪ್ರಾಸ್ತಾವಿಕವಾಗಿ ಮಾತನಾಡಿದ ಗ್ರಾಮ ಪಂಚಾಯಿತಿ ಸದಸ್ಯ ಸತೀಶ್ , ಸರಕಾರಿ ಶಾಲೆಗಳಲ್ಲಿಉತ್ತಮ ಶಿಕ್ಷಣ ದೊರೆಯುತ್ತಿದ್ದು, ಪೋಷಕರು ಖಾಸಗಿ ಶಾಲೆಗಳ ವ್ಯಾಮೋಹ ತೊರೆದು ಸರಕಾರಿ ಶಾಲೆಗಳಿಗೆ ಮಕ್ಕಳನ್ನು ಸೇರಿಸಬೇಕು. ಗ್ರಾಮ ಪಂಚಾಯಿತಿ ವತಿಯಿಂದ ಶಾಲೆಗೆ ಭೌತಿಕ ಸೌಲಭ್ಯಗಳನ್ನು ಒದಗಿಸಲು ಕ್ರಮ ಕೈಗೊಳ್ಲಲಾಗುವುದು ಎಂದು ಭರವಸೆ ನೀಡಿದರು. ವಿವಿಧ ಸ್ಪರ್ಧೆಗಳಲ್ಲಿವಿಜೇತರಾದ ಪೋಷಕರು, ವಿದ್ಯಾರ್ಥಿಗಳಿಗೆ ಬಹುಮಾನ ನೀಡಲಾಯಿತು. ಚೆಸ್ ಸಂಸ್ಥೆಯ ಕಾರ್ಯದರ್ಶಿ ಕೆ.ಪಿ. ಕೀರ್ತಿರಾಜ್ , ಎಸ್ .ಡಿ.ಎಂ.ಸಿ. ಅಧ್ಯಕ್ಷ ಮಲ್ಲಿಕಾರ್ಜುನ್ , ಮುಖ್ಯ ಶಿಕ್ಷಕಿ ಸವಿತಾ, ಸಹ ಶಿಕ್ಷಕರಾದ ಗಾಯಿತ್ರಿ, ಧನಂಜಯ, ಮಂಜುಳ, ಬಿಂದು, ಗ್ರಾಮ ಪಂಚಾಯಿತಿ ಸದಸ್ಯ ಅರುಣ, ಬಸಪ್ಪ ಇತರರು ಇದ್ದರು.