ಕಂಬನಿ ಮಿಡಿದ ಡಾ.ಜಿ.ಪರಮೇಶ್ವರ್

Contributed by: shashidonihaklu@gmail.com|Vijaya Karnataka•
dr g parameshwaras grief condolences on the demise of kb jayanna
ಶಿಕ್ಷಣ ತಜ್ಞರು, ತುಮಕೂರಿನ ವಿದ್ಯಾವಾಹಿನಿ ಶಿಕ್ಷಣ ಸಂಸ್ಥೆಯ ನಿರ್ಮಾತೃಗಳು ಹಾಗೂ ನನ್ನ ಆತ್ಮೀಯ ಒಡನಾಡಿ ಕೆ.ಬಿ. ಜಯಣ್ಣ ಅವರ ನಿಧನದ ಸುದ್ದಿ ತಿಳಿದು ತೀವ್ರ ದುಃಖವಾಯಿತು ಎಂದು ಡಿಸಿಎಂ ಡಾ.ಜಿ.ಪರಮೇಶ್ವರ್ ಸಂತಾಪ ಸೂಚಿಸಿದ್ದಾರೆ.

ಶಿಕ್ಷಣ ಸಂಸ್ಥೆಗಳ ಮೂಲಕ ಅಕ್ಷರ-ಜ್ಞಾನ ನೀಡಿ, ಸಾವಿರಾರು ವಿದ್ಯಾರ್ಥಿಗಳ ಬದುಕನ್ನು ಉಜ್ವಲವಾಗಿಸಿದ ಸಮಾಜಮುಖಿ ಜೀವವನ್ನು ನಾವಿಂದು ಕಳೆದುಕೊಂಡಿದ್ದೇವೆ ಎಂದಿದ್ದಾರೆ.
ನನ್ನ ಮೇಲಿನ ಪ್ರೀತಿ - ವಿಶ್ವಾಸದಿಂದ ನನಗಾಗಿ ಮೊಟ್ಟಮೊದಲ ಅಭಿಮಾನಿ ಬಳಗವೊಂದನ್ನು ಕಟ್ಟಿ, ನನ್ನೆಲ್ಲಾಜನಪರವಾದ ಕಾರ್ಯಗಳಿಗೆ ಬೆಂಬಲವಾಗಿ ನಿಂತು ಪ್ರೋತ್ಸಾಹ ನೀಡುತ್ತಿದ್ದ ಅವರ ವ್ಯಕ್ತಿತ್ವ ಬೆಲೆಕಟ್ಟಲಾಗದಂತದ್ದು. ಜಯಣ್ಣ ತಮ್ಮ ಸಜ್ಜನಿಕೆ - ಸೇವೆಯ ಮೂಲಕ ನಮ್ಮ ನಡುವೆ ಸದಾ ಜೀವಂತ ಎಂದು ನೆನೆದಿದ್ದಾರೆ. ಭಗವಂತನು ಶ್ರೀಯುತರ ಆತ್ಮಕ್ಕೆ ಚಿರಶಾಂತಿ ಕರುಣಿಸಲಿ. ಅವರ ಅಗಲಿಕೆಯ ನೋವನ್ನು ಭರಿಸುವ ಶಕ್ತಿಯನ್ನು ಕುಟುಂಬಸ್ಥರಿಗೆ ನೀಡಲಿ ಎಂದು ಪರಮೇಶ್ವರ್ ಪ್ರಾರ್ಥಿಸಿದ್ದಾರೆ.

ಬಾಕ್ಸ್

ವಿಕ ಅಚೀವರ್ಸ್ ಆಫ್ ಕರ್ನಾಟಕ :

ಕೆ.ಬಿ.ಜಯಣ್ಣ ಅವರಿಗೆ ವಿಜಯ ಕರ್ನಾಟಕ ಅಚೀವರ್ಸ್ ಆಫ್ ಕರ್ನಾಟಕ ಪ್ರಶಸ್ತಿ ನೀಡಿ ಗೌರವಿಸಿದೆ.

ಓದಲೇ ಬೇಕಾದ ಸುದ್ದಿ