(ಬೆಂ.ಗೆ)ಬಸ್ ಅಪಘಾತ: ಪ್ರಯಾಣಿಕ ಸಾವು

Contributed by: Beeresha M|Vijaya Karnataka•
mysuru passenger dies in bus accident 40 injured
ಬಸ್ ಅಪಘಾತ : ಪ್ರಯಾಣಿಕ ಸಾವು

- 40 ಮಂದಿಗೆ ಗಾಯ
ವಿಕ ಸುದ್ದಿಲೋಕ ಮೈಸೂರು

ಮೈಸೂರು-ತಿ. ನರಸೀಪುರ ರಸ್ತೆಯ ವರಕೋಡು ಗೇಟ್ ಬಳಿ ಎರಡು ಬಸ್ ಡಿಕ್ಕಿಯಾಗಿ ಪ್ರಯಾಣಿಕರೊಬ್ಬರು ಮೃತಪಟ್ಟಿದ್ದು, 40 ಮಂದಿಗೆ ಗಾಯಗೊಂಡಿದ್ದಾರೆ.

ತಿ.ನರಸೀಪುರದ ಮಾಡ್ರಹಳ್ಳಿ ನಿವಾಸಿ ಮರಿಕಾಳಯ್ಯ (48) ಮೃತಪಟ್ಟವರು.

ಮೈಸೂರಿನಿಂದ ಮಹದೇಶ್ವರ ಬೆಟ್ಟಕ್ಕೆ ತೆರಳುತ್ತಿದ್ದ ಕೆಎಸ್ ಆರ್ ಟಿಸಿ ಬಸ್ ಚಾಲಕ, ಗೇಟ್ ಬಳಿ ಅತಿವೇಗದಿಂದ ಮುಂದೆ ಇದ್ದ ವಾಹನವನ್ನು ಹಿಂದಿಕ್ಕಲು ಪ್ರಯತ್ನಿಸಿದರು. ಈ ವೇಳೆ ಕೊಳ್ಳೇಗಾಲದಿಂದ ಮೈಸೂರಿಗೆ ಬರುತ್ತಿದ್ದ ಖಾಸಗಿ ಬಸ್ ಮುಂಭಾಗದಿಂದ ಬಂದಿದ್ದು, ಎರಡೂ ಬಸ್ ಡಿಕ್ಕಿಯಾಗಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಖಾಸಗಿ ಬಸ್ ನಲ್ಲಿಪ್ರಯಾಣಿಸುತ್ತಿದ್ದ ಮರಿಕಾಳಯ್ಯ ಮೃತಪಟ್ಟಿದ್ದು, 40 ಜನರಿಗೆ ಗಾಯಗಳಾಗಿತ್ತು. ಅವರನ್ನು ತಿ.ನರಸೀಪುರದ ಸರಕಾರಿ ಆಸ್ಪತ್ರೆ ಹಾಗೂ ಮೈಸೂರಿನ ಕೆ.ಆರ್ .ಆಸ್ಪತ್ರೆಗೆ ಸೇರಿಸಲಾಗಿದೆ. ವರುಣಾ ಠಾಣೆಯಲ್ಲಿಪ್ರಕರಣ ದಾಖಲಾಗಿದೆ.

ಓದಲೇ ಬೇಕಾದ ಸುದ್ದಿ