ಆಹಾರ ನ್ಯೂ
Contributed by: Shridevi Ambekallu|Vijaya Karnataka•
-----------------
ಅಲಸಂದೆಕಾಳಿನ ಅಂಬೊಡೆ
ಸಾಮಗ್ರಿ: ಕಡಲೆಬೇಳೆ 1/2 ಕೆಜಿ, ಅಲಸಂದೆಕಾಳು 1/4 ಕೆಜಿ ಹತ್ತು ಹಸಿ ಮೆಣಸಿನಕಾಯಿ, ತೆಂಗಿನತುರಿ, ರುಚಿಗೆ ತಕ್ಕಷ್ಟು ಉಪ್ಪು, ಕರಿಬೇವಿನಸೊಪ್ಪು, ಕರಿಯಲು ಎಣ್ಣೆ, ಇಂಗು.
ವಿಧಾನ: ಅಲಸಂದೆಕಾಳನ್ನು ಹಿಂದಿನ ದಿನವೇ ನೆನೆಸಿಡಿ. ಮರುದಿನ ಕಡಲೆಬೇಳೆಯನ್ನು 2 ಗಂಟೆ ನೆನೆಸಿಡಿ. ನೆನೆಸಿದ ಅಲಸಂದೆಕಾಳು, ಕಡಲೆಬೇಳೆ, ಹಸಿಮೆಣಸಿನಕಾಯಿ, ಕರಿಬೇವು ಎಲ್ಲವನ್ನು ತರಿತರಿಯಾಗಿ ರುಬ್ಬಿ. ಮಿಶ್ರಣಕ್ಕೆ ಉಪ್ಪು, ಇಂಗು, ತೆಂಗಿನತುರಿ, ಸೇರಿಸಿ ಚೆನ್ನಾಗಿ ಕಲಿಸಿ ಆಂಬೊಡೆ ರೀತಿಯಲ್ಲಿತಟ್ಟಿ ಕಾದ ಎಣ್ಣೆಯಲ್ಲಿಕರಿಯಿರಿ.
---
ಮಡಿಕೆ ಕಾಳಿನಪಲ್ಯ
ಬೇಕಾಗುವ ಸಾಮಗ್ರಿ: ಮಡಿಕೆಕಾಳು, ತೊಗರಿಬೇಳೆ ತಲಾ 1/2 ಕೆಜಿ, ಪಾಲಕ್ ಸೊಪ್ಪು 1 ಕಟ್ಟು, ಗರಂ ಮಸಾಲೆ 1ಚಮಚ, ಈರುಳ್ಳಿ 2, ಟೊಮೆಟೊ 1, ಅಚ್ಚ ಮೆಣಸಿನ ಪುಡಿ 2ಚಮಚ, ಉಪ್ಪು ರುಚಿಗೆ ತಕ್ಕಷ್ಟು, ತೆಂಗಿನ ತುರಿ ಸ್ವಲ್ಪ, ಒಗ್ಗರಣೆಗೆ ಎಣ್ಣೆ, ಕರಿಬೇವು, ಸಾಸಿವೆ, ಇಂಗು ಸ್ವಲ್ಪ.
ವಿಧಾನ: ಮಡಿಕೆಕಾಳು, ತೊಗರಿಬೇಳೆ ಎರಡನ್ನು ಕುಕ್ಕರ್ ನಲ್ಲಿಬೇಯಿಸಿ. ಈರುಳ್ಳಿಯನ್ನು ಸಣ್ಣದಾಗಿ ಹೆಚ್ಚಿ ಎಣ್ಣೆಯಲ್ಲಿಹುರಿಯಿರಿ. ಈರುಳ್ಳಿ ಹೊಂಬಣ್ಣ ಬಂದಾಗ ಸಣ್ಣದಾಗಿ ಹೆಚ್ಚಿದ ಟೊಮೆಟೊ, ಹೆಚ್ಚಿದ ಪಾಲಕ್ ಸೊಪ್ಪು, ಹಾಕಿ ಹುರಿಯಿರಿ. ಸ್ವಲ್ಪ ನೀರು ಸೇರಿಸಿ ಕುದಿಸಿ. ಈ ಮಿಶ್ರಣಕ್ಕೆ ಬೆಂದ ಬೇಳೆ ಕಾಳನ್ನು ಹಾಕಿ, ಉಪ್ಪು ಅಚ್ಚ ಮೆಣಸಿನ ಪುಡಿ, ಒಂದು ಚಮಚ ಗರಂ ಮಸಾಲಾ, ತೆಂಗಿನ ತುರಿ, ಎಲ್ಲವನ್ನು ಹಾಕಿ ಚೆನ್ನಾಗಿ ಹೊಂದುವಂತೆ ಕೈಯಾಡಿಸಿ.
----
ಕಡಲೆಕಾಳು ಬದನೆಕಾಯಿ ಹುಳಿ
ಬೇಕಾಗುವ ಸಾಮಗ್ರಿ: ತೊಗರಿಬೇಳೆ 1/2ಕೆಜಿ, ಕಡಲೆಕಾಳು 1/4 ಕೆಜಿ, ಹಸಿರು ಬದನೆಕಾಯಿ 1/4 ಕೆಜಿ, ಹುಳಿ ಪುಡಿ 3 ಚಮಚ, ಉಪ್ಪು, ಹುಣಸೆ ರಸ 1ಚಮಚ, ತೆಂಗಿನತುರಿ ಸ್ವಲ್ಪ, ಒಗ್ಗರಣೆಗೆ ಎಣ್ಣೆ, ಕರಿಬೇವು, ಸಾಸಿವೆ, ಇಂಗು ಸ್ವಲ್ಪ.
ವಿಧಾನ: ಕಡಲೆ ಕಾಳನ್ನು ಹಿಂದಿನ ದಿನವೇ ನೆನೆ ಹಾಕಬೇಕು. ಮಾರನೇದಿನ ತೊಗರಿಬೇಳೆ, ಕಾಳನ್ನು ಕುಕ್ಕರ್ ನಲ್ಲಿಬೇಯಿಸಿ. ಬದನೆಕಾಯಿಯನ್ನು ಉದ್ದುದ್ದಕ್ಕೆ ಹೋಳುಗಳಾಗಿ ಹೆಚ್ಚಿ ಬೇಯಿಸಿ. ಬೆಂದ ತೊಗರಿಬೇಳೆ, ಕಾಳು, ಬೆಂದ ಹೋಳು ಹಾಕಿ ಹಾಕಿ ಎಲ್ಲವನ್ನು ಚೆನ್ನಾಗಿ ಹೊಂದಿಸಿ, ಉಪ್ಪು, ಹುಳಿಪುಡಿ, ಹುಣಸೆರಸ, ತೆಂಗಿನತುರಿ ಹಾಕಿ ಕುದಿಸಿ ಒಗ್ಗರಣೆ ಕೊಡಿ.
-------------
ಹೆಸರುಕಾಳಿನ ದೋಸೆ
ಸಾಮಗ್ರಿ: ಹೆಸರುಕಾಳು 1/2ಕೆಜಿ, ಅಕ್ಕಿ 1/4 ಕೆಜಿ, ಉಪ್ಪು, ಶುಂಠಿ 1 ಸಣ್ಣ ತುಂಡು, 10 ಒಣ ಮೆಣಸಿನಕಾಯಿ.
ವಿಧಾನ: ಹಿಂದಿನ ರಾತ್ರಿ ಹೆಸರುಕಾಳು ಮತ್ತು ಅಕ್ಕಿಯನ್ನು ನೆನೆ ಹಾಕಿ. ಮಾರನೇದಿನ ನೆನೆಸಿದ ಹೆಸರುಕಾಳು ಅಕ್ಕಿ ಮಿಶ್ರಣವನ್ನು ಒಣ ಮೆಣಸಿನಕಾಯಿಯೊಂದಿಗೆ ಶುಂಠಿ ಸೇರಿಸಿ ನುಣ್ಣಗೆ ರುಬ್ಬಿ. ರುಬ್ಬಿದ ಹಿಟ್ಟನ್ನು ಕಾದ ಕಾವಲಿಯ ಮೇಲೆ ದೋಸೆ ಎರೆಯಿರಿ.
